#القرفة_والحمل..
القرفة شكون فينا ميعرفهاش،حقيقة ميخفاش علينا بلي هذي النبتة عندها بزاف إستعمالات و مفيدة بزاف لصحة والجمال، كنعرفو نستعملوها طبعا.. ...لكن كونها مفيدة ميعنيش أنو نقدرو نستعملوها في جميع الحالات..مثلا ممنوعة منها باتا عند المرأة الحاملعلابالي هنا بزاف ناس يتصدمو...
������للأسفةالشديد بزاف نساء كيجيو يولدو،يجيبو معاهم فالحقيبة thermos قرفة طيبتهالها أمها أو عجوزتها عن حسن نية بلا معلابالهم مساكن بخطورتها عليهم و علا لبيبي الضعيف..
✋أثناء الحمل:
❌ممنوع شرب أو أكل القرفة (مرة على مرة عادي)لاخاطر القرفة تحتوي على وحد المادة سامة (coumarine)
✔البيبي ككون في بطن أمو مسكين ميكونش عندو نضام تصفية السموم واجد،يعني أي مادة سامة تستهلكها الأم بالرغم من أنو متضرهاش هيا ،إلا أنو تقدر تضر ولدها بطريقة كبيرة.
✔ كاين أيضا عدة أبحاث لقاو بلي القرفة تأثر على الخواتات(placenta) أثناء الحمل،هذا يعني الدم ميجوزش للبيبي مليح وهذا الشيء باين بلي مضر للبيبي..(ميكبرش ونقدرو نفقدوه)
✔القرفة تقدر تسبب إجهاض أو ولادة مبكرة لأنها تحتوي على مادة تسبب إنقباضات رحم..ولهذا السبب للأسف،بزاف ينصحو،يقلك أشربيها باه يجيك سطر تاع الزيادة
✋علاه مالازمش نشرب القرفة لتحفيز الولادة؟
✔هي صح تقدر دير إنقباضات رحم..لكن لازم ديرو في بالكم بلي إنقباضات الرحم لديرهم مهمش فعالين،لأنو باه يخرج بيبي لازم إنقباضات قوية وفعالة (يديرهوملنا الهرمون).
كشغل ديري لروحك سطر بدون فايدة زيادة عذاب فقط.(السطر يقوى صح،لكن البيبي ميخرجش أسرع،يوليو عندك لإنقباضات القوية لسببهم الهرمون الفعالة ،بالزيادة إلا إنقباضات الغير الفعالة لتسببهم القرفة..يعني واش دارهالنا نزيدو السطر لروحنا)وزيد الكارثة الأعضم هذوك الإنقباضات الغير فعالة لديرهم القرفة يقدرو يضرو البيبي ويعيا منهم بلا ميساعدوه باه يخرج ،وهذا يقدر يؤدي إلا فقدانه الله يسطرنا(صرات بزااف،يجيو يولدو ،يضيعلهم البيبي أو يوليو للقيصرية ،بلا معلابالهم بلي السبب هو القرفة)
✋ولا مكفاوكمش هذو الأسباب كامل نزيدلكم سبب :


✔القرفة فيها وحد المادة تجري الدم(effet anti_coagulant)
يعني كتشربيها راكي رايحا تزيدي خطر أنو يجيك نزيف حاد(hémorragie)..(للأسف هذي تاني كنا نشوفوها تقريبا يوميا في مصلحة الولادة)وحنا آخر حاجة نتمناوها أنك تضيعي ،العكس حنا حابينك تعيشي باه تشوفي ويشوفك ولدك ترضعيه وتحني عليه..
❌ميش علاجال مصبرناش أو باه نزيدو يومين مقبل،نشربو ونخلطو في أمور نقدرو ،نضيعو بيها صحتنا أو صحة ولادنا،علابالي الأيام الأخيرة تاع الحمل متعبة لكن صبرتو 9أشهر كامل،كملي أصبري ..ربي كدار الحمل 9 أشهر علابالو لاه..
Tagللحوامل..
بارطاجيو،صدقوني بزاف حالات يجيو تهلكهم القرفة بدون علمهم..حتى لو مادارتلكش خسائر كبيرة،الحاجة الأكيدة أنو راكي رايحة تقوي سطر وعذاب لروحك بدون فائدة تذكر