جبت الباك مليح ... هل لازم ندير طب؟

مبروك لجميع للناجحين في البكالوريا،
العمل الصعب جاز ودروك وقت القرار الصعب، راح نجاوب على بعض الأسئلة لمساعدتكم في إتخاذ القرار.


1)شحال نقراو ؟
حاليا مدة الدراسة 7 سنوات، ثلاث سنوات préclinique للتحضير للثلاث سنوات القادمة لي تقراو فيها مختلف تخصصات الطب وتديروا فيهم تربص في المستشفى، كل سنة 6 تخصصات،كل تخصص عدة أسابيع.
أما السنة السابعة، تولو أطباء داخليين، ما عندكمش قراية عندكم تربص في المستشفى
بعدها لي يبغي يدير تخصص يجوز إمتحان آخر.
2)شحال المعدل هاد العام ؟
واحد ما يقدر يعرف، لأنه المعدل يتبدل كل سنةعلى حساب شحال ناس جابو تقدير وشحال منهم إختارو ميدسين.

4) هل صحيح أن مستوى تعليم الطب في الجزائر متدني ؟
صراحة يختلف المستوى من جامعة إلى أخرى ومن أستاذ إلى آخر، لكن لازم دير في بالك بلي مهما كان التخصص تاعك، الجامعة c'est l'autoformation تتعلم لروحك وما تقارعش الأستاذ يفهمك، مدام كاين الإنترنت معندك حتى عذر.


5)هل صحيح أن قطاع الصحة في الجزائر عفن ؟
من أعفن القطاعات، صراحة راه تندهشوا مين تدخل المستشفى وما تلقاش فيه أبسط الضروريات، أغلب أجهزة ووسائل التشخيص لا توجد، الأدوية مكانش، النظافة منعدمة وسياسة الترقيع هي السائدة ماراحش نكذب عليكم !

6) وينها لي خير ؟ طب أسنان ولا طب ؟ صيدلة ولا طب ؟ إعلام آلي ولا طب ؟
هذا السؤال خطأ ! لازم تسأل نفسك واش هي أولوياتي (الدراهم ؟ الراحة ؟ خدمة الناس ؟ البرستيج ؟) وأي تخصص يوالمها ؟ .
7)فيها الدراهم ؟
إذا راك باغي ديرها علا جال الدراهم نقولهالك صراحة بدل الطريق من دروك، الدراهم ديرهم في حالة نجحت في الحصول على تخصصات دخل الدراهم و تخدم في الخاص، وبالطبع هادي ما تصراش حتى تفوت 30 سنة.


8)هل الدروس صعبة ؟
مهيش سهلة لكن مهيش الأصعب، ملازمش تكون عبقري باه تجيب عوامك، قد ما تقرا قد ما تدي ! ومدامك جبت الباك بتميز أكيد تقدر عليها، يمكن الحاجة الصعبة هي أنه أحيانا الدراسة تاخذ بزاف من وقتك، خاصة سنوات 4,5,6 وين عندك إمتحانات طول السنة.
9) هل لازم نكون نعرف اللغة الفرنسية ؟
يعني تسلك روحك بدون ما تكون تعرفها مليح لكنها تلزمك لأن الدراسة كلها باللغة الفرنسية، التعامل مع الأساتذة نفس الشيئ، و هذي مشي نقطة سلبية بالعكس، تشجعك باه تتعلم لغة جديدة وتزيدها لرصيدك المعرفي.


بعد قاع هاد الكلام، علاه ندير الطب ؟؟
ديرها لأنك باغي تولي طبيب، باغي تكمل حياتك تتعلم، باغي تكتشف أسرار الجسم البشري لي أغلب الناس ما يعرفوهاش، باغي كل يوم تكشف على مرضى من مختلف الأعمار، الطبقات، العقليات وتخفف عليهم مرضهم بالعلم تاعك .
ديرها لأنك باغي تتحدى نفسك، وترفع مستواك، وترتفع بالعلم تاعك
.

ديرها لأنه رغم جميع السلبيات لي ذكرتهم مازلت باغي تولي طبيب.

من صفحة : @الطب نور

ااام انا مازالني ماجبتش الباك مي حبيت نعرف كيراهي الحالا عندك
ممم صراحة ليس لدي تطلع للطب احب الصيدلة اكثر لكن امامي 3سنوات وقت كاف كي اجتهد في دراستي وافكر في مستقبلي .....لا

المشاركة الأصلية كتبت بواسطة فتاة بلا مشاعر

ااام انا مازالني ماجبتش الباك مي حبيت نعرف كيراهي الحالا عندك
ممم صراحة ليس لدي تطلع للطب احب الصيدلة اكثر لكن امامي 3سنوات وقت كاف كي اجتهد في دراستي وافكر في مستقبلي .....لا

اكييييد
يليق تخميلها مليح هاذي خاطر ببساطة سيكون قرار مصيري^^
ربي يوفقك بشووورة ❤

المشاركة الأصلية كتبت بواسطة princesse des Aurès

اكييييد
يليق تخميلها مليح هاذي خاطر ببساطة سيكون قرار مصيري^^
ربي يوفقك بشووورة ❤

افكر لكن في النهاية الوالدان يحسمان الامر اييش دخلي انا هههههه
شكرا لك على الدعاء جعله الله في ميزان حسناتك ووفقك لما يريضيك

المشاركة الأصلية كتبت بواسطة فتاة بلا مشاعر

افكر لكن في النهاية الوالدان يحسمان الامر اييش دخلي انا هههههه
شكرا لك على الدعاء جعله الله في ميزان حسناتك ووفقك لما يريضيك

وهذا اكبر خطأ يرتكبه الآباء -__-
(من كتاب حديث الصباح )

المشاركة الأصلية كتبت بواسطة princesse des Aurès

وهذا اكبر خطأ يرتكبه الآباء -__-
(من كتاب حديث الصباح )

ان لم تملك حلا للخرج من المحنة فارضى بها

المشاركة الأصلية كتبت بواسطة فتاة بلا مشاعر

ان لم تملك حلا للخرج من المحنة فارضى بها

لكن في مثل هذه الحالات يجوووز التمرد ☺

انا بعيد كل البعد عن الطب

المشاركة الأصلية كتبت بواسطة AHLouai

انا بعيد كل البعد عن الطب

هي ميولات اكيييد ^^
شكرااا على المرور ☺

المشاركة الأصلية كتبت بواسطة princesse des Aurès

هي ميولات اكيييد ^^
شكرااا على المرور ☺

ماذا تقصدين?