قائمة الاعضاء المشار اليهم


✿..قِرِوِيَة فِي لُنْدَنْ..✿

✿..قِرِوِيَة فِي لُنْدَنْ..✿


صفحة 1 من 2 12 الأخيرةالأخيرة
النتائج 1 إلى 10 من 18
  1. #1
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي ✿..قِرِوِيَة فِي لُنْدَنْ..✿

    ◩...الــــســـــلامـ عـلـيــكــمـ ورحــمـة الـلـه تـعـالــى و بــركـــاتــــه...◪

    ❣☚أهلا و سهلا بكمــ في موضوع جديد مع قصة جديدة بحول الله..❣

    ✍..تحت عنوان : ✿..قِرِوِيَة فِي لُنْدَنْ..✿

    القصة اعجبتني كثيرا لذا اردت ان اشاركها معكمـ هذا بعد اخذ موافقة صاحبة الرواية
    التي ابدعت وتفننت في وضع هذه الرواية الكوميدية و الرومنسية كذلك
    أتمنى ان تعجبكمـ انتم ايضا اعضاء منتدى طموحنا و زواره.....لن أطيل الحديث أكثر لذا تفضلوا

    بقراءة البارت الاول...=
    ✿..............البارت الاول..............✿

    ماما-نوضي يا الحمارة تحلبي البقرة كان ينوض جدك ميلقاش الحليب يقلب علينا الدوار

    رانيا-امممم

    ماما-نوضي خير ما نجي ليك و ديجا اليوم دالتك باش تدي الكباش يسرحو ايه وقبل ما ننسا كي تكوني راجعة للدار جيبي البيض من الخم تاع الجاج

    رانيا-ماشي اليوم دالة تاع نعيمة

    ماما-نن راجلها قاللها متزيديش تخرجي و يشوفوك رجال الدشرة

    رانيا-يا عمري علاه عاقد عليها باش يتحكم فيها نهار يديها لدارو تما وين يحل فمو

    ماما-ما تسكتيش ديجا نوضي راهي ال9 الناس كملو الشغل و راهم قاعدين ..شوف نتاجاتك راهم بحفادهم

    رن-ماما ما تبالغيش

    ما-اييه صافي مسمعتيش كريمة بنت سعيدة اخت جعفر بنتها سناء راهي حامل قريب تولد

    رن-وششننوو وقتاش تزوجت سناء بنت كريمة هاديك انا كنت نبدللها لي كوش

    ما-ايه باش تشوفي كريمة راهي قدك في العمر قريب يجي حفيدها و انت مزالك تنوضي على ال9 ������

    رن-وينو صابون الزرودية تاعي

    ما-كلاه القط تاع وليد

    رن-نعل النهار اللي زدت فيه

    ما-اصلا الناس الكل يلعنو النهار اللي زدتي فيه

    ☆☆☆☆☆☆☆☆☆☆☆☆

    نعرفكم بروحي

    انا رانيا عمري 25 سنة
    البايرة تاع الدوار

    مكاش وحدة في عمري مزال متزوجتش


    بنت الدوار شابة من صغري

    و الحاجة اللي تميزني و اللي نموت عليها هي شعري ... الناس الكل هابلة على شعري سورتو كي تجي هاديك اللقطة تاع زعما ندير فولارتي و تزلق من كثر ما شعري حرير هههه النساء يهبلو

    و عندي لساني طويل عليا و منقدرش نحكمو طبعا متبرية منو


    ( شعري ماغون فونسي مخلط بماغون كلاااغ....بشرتها خمرية....عينيها gري كلاغ )

    ماشي شابة علابالي



    ......المهم عندي 2خواتاتي بنات و2 ولاد اسمواتهم:

    نعيمة: مختشوبة
    سليمة: عمرها 17 سنة عامها تاع الباك مي جدي حبسها من القراية

    وليد: اول ابن في العائلة مزوج بالعقرب

    ايمن: كبير عليا بعام و خاطب جارتنا

    عايشين مع ماما و جدي و خاوتي العزاب.....
    بابا مات في اكسيدون


    لافامي تاعنا هي الاغنى و الاشهر في الدوار و سمعتنا طيبة ..
    صافي متستغربوش بصكو نلبس مليح و نماكيي و عندي بيسي و الانترنت بالمختصر عايشة كيما بنات المدينة غير في الدوار خخخ المهم ..
    عندي عماتي ميتحسبوش و ولادهم يشكلو نصف سكان الكرة الارضية ..
    و عندي زوج عمامي الاول اسمو عمار هرب من الدشرة بصكو غلط مع مرا و حملت منو و جدي حلف يقتلو ومن نهار هرب مزدنا سمعنا عليه والو ..
    و عمي الثاني و هااا الوخدة يسموه الزوبير ..
    عمي الزوبير عندو 5 بنات
    و طفل واحد انقذهم من العار على قولة جدي بصكو العائلة اللي عندها غير البنات هي عائلة يتبعها العار حتى الموت ...

    هادا السبع تاع الزوبير اسمو مبروك زعما جابلهم البركة للدار ..
    السي مبروك معرفتش واش نقول و واش نخلي عليه ..


    نورمالمون هادا وليد عمي جابلهم العار مش رفدو عليهم سكارجي و تاع سهرات و خلاط و بنات
    و قمار و مش قاري و بشع وووو اسكتو برك...
    بون انا هي المفششة تاع جدي و المفضلة تاعو تربيت بين يديه من اللي كنت صغير نحبو و نموت عليه و دايرينو كامل في مقام بابا ربي يرحمو..
    من الجانب الثقافي قريت عامي الاول في الجامعة اختصاص اونجلي بالكشايف امبعد حبسني جدي... عندنا في الدشرة المخيرة تكمل حتى للبيام و بحكم انا المفششة تاع جدي خلاني نقرا عام في لافاك ..
    نرجعو لحكايتنا...

    ☆☆☆☆☆☆☆☆☆☆☆☆☆☆

    نضت ذراع من الفراش ..غسلت و بدلت جبتي ..
    و رحت نحلب البقرة ..رفدت البيدون و دخلت لعند كوكي:
    رن-كوكي صباح الخير



    كو-........
    رانيا-ههههه علابالك بقا للعيد غير زوج سمانات
    كوكي-مووووو
    رن-متخافيش منذبحوكش بصح انت مترفسينيش
    كو-مممموووووووووو
    رن-و الله مانيش حابة نعيد بعين زرقة كي المرة اللي فاتت
    كو-.......
    رن-هيا صحا اقعدي عاقلة نقعد عاقلة معاك
    كو-ممموووو
    رن-و الله غير يا كوكي غير الحليب لجدو مش ليا
    كو-......
    رن-هيا مليح اقعدي عاقلة حبي
    مبروك-مع من راكي تهدري شكووون حبك������ (بعصبية)
    رن-واش دخلك؟
    مب-هكا تهدري مع وليد عمك لازملك العصا وقيل
    كو-مممممووووو
    رن-روح اخطيني حتى كوكي و قلقتها
    مب-صحا بصح اشفاي عليها
    رن-عمبالك كيما انت عندي ذاكرة تاع زوج ثواني
    مب-وشي هي ذاكرة؟
    رن-هي روح بعدني
    مب-صح بنت عمي
    رن-يا ودي روح برك نعل النهار اللي كنت فيه بنت عمك

    راح هداك الزبل تاع مبروك هو هابل عليا مي انا جامي تحرويتلو نظل نحلم بفارس احلامي يجيني فوق الحصان الابيض و يخرجني من هاد الدشرة تاع الهم ..
    المهم حلبت كوكي و رجعت للدار وجدت السنية تاع الحليب تاع جدي و كملت على ماما المسمن لقيتها بداتو ..و خرجت نسرح بالكباش و نقرا في كتاب ،مقلتكمش القراءة عشقي حتى للعشية رجعت للدار عملت العشا بالتعاون مع ماما و نعيمة و سليمة بصكو اليوم جيش عائلتنا جايين عندنا للعشا
    حطينا العشا و غسلت الماعن انا و بنات عمي بينما خواتاتي كانو يوجدو في القعدة تاع السهرة ..هاد القعدة تكون في الجنان نفرشو زربية تكون شابة و كلاس فوق الحشيش الاخضر و نحطو ميدة (مائدة) في الوسط و نديرو لاتاي و الحلوى و نقعدو نضحكو و نشايخو تحت ضوء القمر ..شحال نحب هاد القعدة ..مي اليوم راح يقعدو الرجال قدامنا يعني زربية تاع نساء قدامها تاع الرجال شحال نكره هاد العفسة بصكو منحملش ولاد لافامي ..
    كنا قاعدين نضحكو كي العادة حتى يحمحم جدي ..
    و اذا حمحم كبير العائلة معناه لازم كامل نسكتو و نسمعو القنبلة اللي راح يطلقها ..يعني كاين خبر كبير لازم تعرفو العائلة الكل
    جدي-احم احم
    سقمنا رواحنا و تستفنا مليح كي شافنا سكتنا نطق:
    جدي-بنتي رانيا..
    رانيا-انعم جدو
    جدي-.............

    يتبع...

    ☆☆☆☆☆☆☆☆☆☆☆☆

    واش رايكم في البارت؟؟
    واش يحب الجد من رانيا؟؟


  2. #2
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي رد: ✿..قِرِوِيَة فِي لُنْدَنْ..✿

    إنتظروا البارت الثاني وأتمنى أن تنال إعجابكم إخوتي

  3. #3
    -•♥ مشرفة قسم المجوهرات والاكسسوارات ♥•- الصورة الرمزية دمعة القمر
    تاريخ التسجيل
    Apr 2016
    المشاركات
    5,942
    الجنس
    أنثى
    الوظيفة
    طالبة سنة ثالثة متوسط
    الهوايةŠ
    دراسة طب القلب
    شعرك
    لا اله الا الله محمد رسول الله

    افتراضي رد: ✿..قِرِوِيَة فِي لُنْدَنْ..✿

    مشكور اخي
    3 من الأعضاء مٌعجبين بهذه المشاركة: #غموض فتاة,koukouana,ملكة المدرسة

  4. #4
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي رد: ✿..قِرِوِيَة فِي لُنْدَنْ..✿

    اقتباس المشاركة الأصلية كتبت بواسطة دمعة القمر مشاهدة المشاركة
    مشكور اخي
    أنا بنت ولست ولد
    3 من الأعضاء مٌعجبين بهذه المشاركة: koukouana,دمعة القمر,ملكة المدرسة

  5. #5
    -•♥ مشرفة قسم المجوهرات والاكسسوارات ♥•- الصورة الرمزية دمعة القمر
    تاريخ التسجيل
    Apr 2016
    المشاركات
    5,942
    الجنس
    أنثى
    الوظيفة
    طالبة سنة ثالثة متوسط
    الهوايةŠ
    دراسة طب القلب
    شعرك
    لا اله الا الله محمد رسول الله

    افتراضي رد: ✿..قِرِوِيَة فِي لُنْدَنْ..✿

    اقتباس المشاركة الأصلية كتبت بواسطة ~..ضوءُ القمَر..~ مشاهدة المشاركة
    أنا بنت ولست ولد

    اسفة فنا لم اتعرف اليك
    2 من الأعضاء مٌعجبين بهذه المشاركة: koukouana,ملكة المدرسة

  6. #6
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي رد: ✿..قِرِوِيَة فِي لُنْدَنْ..✿

    لا مشكلة أختي
    3 من الأعضاء مٌعجبين بهذه المشاركة: koukouana,دمعة القمر,ملكة المدرسة

  7. #7
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي رد: ✿..قِرِوِيَة فِي لُنْدَنْ..✿

    البارت الثاني:




    جد-رانيا راكي كبرتي يا بنتي ولازم...

    رن-جدو stp غير الزواج لالا

    جد-ولد عمك راهو طالبك في الحلال و انا مديتك

    رن-whaaaaaaaaaat؟ (دارو قاع عندي)

    جد-(بعصبية) هاد المرة مكاش نقاش تتزوجي و تسكتي

    رن-جدو.....(قرصتني ماما)

    بفففف صمطلي قاع القعدة يضل يهدرلي جدو على الزواج مي انا دائما نتهرب مي على حساب الشوفة هاد المرة مكاش هربة..
    نضت و خليتهم يتهامسو ياو يروحو يرنكو غير هاد الزواج اللي ميتمش...
    رحت لسريري و قاعدة نبكي و نخمم ملقيتش حل من غير اني نهدر مع جدي ....و رقدت و دمعتي على خدي..

    نضت الصبح كالعادة بالعياط تاع ماما غسلت و بدلت جبتي و ستيكيت عميرتي بيان و رحت للكوزينة ..
    لقيت نعيمة حلبت البقرة و سليمة راحت تسرح بالكباش ..
    قعدت شربت قهوتي و نضت لشغل الدار ..
    سيقت و خملت و مسحت و درت الفطور طاجين الخوخ و اللي يحبو جدي زعما نكلخولو شوية ��..
    كي كملنا غسلت الماعن و درت بغرير طبعا بصكو يحبو جدي و رحت دوشت بالزربة سقمت روحي و وجدت سنية لاتاي ..
    دخلت للصالون عند جدي لقيت مرت عمي و السي مبروك اللي يضل قاعد لا خدمة لا قدمة بففف يعيي و منو سيريو حاب يتزوج و يدير دار..
    رحت قعدت و نستنا فيهم يخرجو نهدر مع جدي ...
    جدو حس بيا كي شافهم طولو ..
    غمزتلو تاع سون سمير خرجهم و قعدت قدامو ..

    رن-جدو حبيبي اضرب البغرير متحشمش

    جد-هاتي من الاخر عارف اللي هادي غير رشوة

    رن-هاو جدي العزيز كي يفهمها هههه

    جد-هيا واش عندك

    رن-جدو احم شوية سيريو ..منيش حابة نتزوج

    جد-كنت شامها

    رن-stp غير مبروك لالا

    جد-رانيا خيرنا ما يديه غيرنا و مبروك اللي شفتو مناسب ليك و هنا تخلاص الهدرة(بالعياط)

    (رحت عند رجليه)
    رن-جدو متديرليش هكا ..��جدو انا رانيا بنت ولدك المفششة تاعك اللي تحبك راك تحطمني يا جدو هكا راك تدمرلي في حياتي. انا مبروك منحبوش ..جدو مبروك كي خويا منيش دايتلو حساب اخر������....
    (دور وجهو و طبعني برجلو)

    جد-وعلاش ماكيش حابة مبروك

    رن-بص..بصكو..

    جد-عندك شي واحد في حياتك؟

    رن-لالاااا لالا يا جدو حاشا ��

    جد-راكي حابة تجيبيلنا العار انت؟

    (هنا خلاص بردت و تقلقت نضت سقمت روحي و قلتلو بكل برود)

    رن-جدو انا تربية يدك اذا راك شاك في تربيتك هادي حاجة وحداخرة

    (ناض ليا خزر فيا هاديك الخزرة تاع الموت و عطاني بكف طيحني في الارض دخلت ماما تجري)

    جد-هادي باش المرة الجاية تتعلمي طولي لسانك معايا
    (دار عند ماما) السمانة الجاية تعقدو و قبل العيد بيومين العرس .

    وخرج جدو و خلاني طايحة في الارض نبكي نوضتني ماما

    ما-علاش عليك هاد الشي

    رن-ما درت والو

    ما-تعرفي جدك بلي كلمتو فوق كلشي

    رن-بصح هادي حياتي و انا حرة فيها

    ما-مادام جدك عايش مكيش حرة

    خرجت ماما و كانت مرت عمي مور الباب تتصنت الجاسوسة دخلت عندي تجري :

    م ع-وقيل امنتي روحك انا ولدي 1000 وحدة تتمناه

    رن-خليه يروح عند ال1000 تاعو و يخطيني

    م ع-هاهاها بصكو صحلك وليدي

    رن-نفضل نبور ولا نتزوجو

    م ع-علاه وين راح تلقاي واحد خير من ولدي

    رن-قولي وين راح نلقا اسوء من ولدك

    م ع-يا عمري علاش مبروك واش خصو

    رن-قولي واش مخصوش oui

    م ع-هاداك اللسان لازملو قص

    (رفدت يدها باش تضربني شديهالها و حبستها في النص)

    رن-ردي بالك تزيدي تخمي مجرد تخمام انك ترفدي يدك عليا

    و خرجت و خليتها ...
    رحت نجري في الحقل تاعنا كان الجو شباب رحت للشجرة تاعي جاية عند الواد في نهاية الحقل ..
    اييه هاد الشجرة رفدت قاع همومي من صغري ..
    كل ما نكون مقلقة نجي نشكيلها ياك هي كائن حي و تسمعلي برك متجاوبنيش �� قاعدة نشكي و نبكل دمعة و خنونة بصكو علابالي بلي واحد ميتبعني لهنا هادي يسموها بلاصتي ...
    كي عييت نضت جيت راجعة انا ندور و طيح عيني في عينو �� دوك العينين ..
    ديك الوقفة ..
    ديك الوهرة متتوصفش دخت اااخخخ ولا من برفانو رهوجني ..
    اااه منين خرج هاد العبد ��
    كان واقف مورايا بوقوص من الكبار ..
    و كي وقفت و جاو عينينا في بعض قريب طحت جامي شفت لقطة رومنسية في حياتي ������ حبيتو جدي يقطعني ..
    اااااا صافي هاد العبد سمع واش كنت نقول

    رن-م ..من ..من وقتاش و انت هنا؟

    ...-من اللي بديتي تنوحي

    رن-واش جابك؟

    ...-جيت للشجرة تاعي

    رن-نعم نعم هادي شجرة تاعي من اللي كنت صغيرة و دكا روح قبل ما يشوفك واحد من الدشرة واقف معايا يقتلوني و يقتلوك

    ...-معليش

    رن-راك حاب تجلطني انت؟ خلاص خليتهالك

    ...-مقلتيليش واش اسمك؟

    رن-ميهمكش...

    و رحت نجري رجعت للدار طيبت العشا و حطيتو و جدو للدرك مزال هاز شنايفو عليا ..روح تلعب بعيد حتى انا مراحش نجي نحلك..

    ☆☆☆☆☆☆☆☆☆☆☆☆
    في جهة اخرى احم ميروحش بالكم بعيد رانا غير عند مبروك هههه :

    مب-واش صرا يما

    مو-راه ضربها جدك و عيط عليها

    مب-علاش؟��

    مو-طولت لسانها عليه و راك عارف اللعب مع جدك

    مب-يعني مهيش قابلة بيا

    مو-هيه و هدرت معاها زادت كسحت راسها

    مب-ندير المستحيل باش تقبل بيا

    مو-انا عندي الحل دركا هي قادرة تهرب من الدشرة و بح

    مب-لازم نديرو حاجة تشدها هنا

    مو-مكاش حاجة تخوفها هديك الطفلة

    مب-من غير شرفها

    مو-وشنووووو؟��

    مب-لازم نغتصبها باش متقدرش تروح لغيري

    مو-لالا وليدي راه......

    مب-راكي معايا ولا معاها؟

    مو-معاك (باستسلام)

    يتبع.....

    ☆☆☆☆☆☆☆☆☆☆☆
    واش رايكم في البارت؟؟
    واش راح يصرا لرانيا؟؟
    4 من الأعضاء مٌعجبين بهذه المشاركة: koukouana,دمعة القمر,فتاة بلا مشاعر,محطمة الروح
    اللهم بارك لنا في شعبان وبلغنا رمضان..~
    اللهم بلغنا رمضان لا فاقدين ولا مفقودين..~



  8. #8
    -•♥ مشرفة النكت والالغاز♥•- الصورة الرمزية فتاة بلا مشاعر
    تاريخ التسجيل
    Oct 2018
    العمر
    14
    المشاركات
    4,598
    الجنس
    أنثى
    الوظيفة
    دراسة الرابعة متوسط
    الهوايةŠ
    كتابة قصص خيالية . الرياضيات
    شعرك
    if them can do it .let them do it

    افتراضي رد: ✿..قِرِوِيَة فِي لُنْدَنْ..✿

    قصة جمييلة جدا
    مشكووورة على الطرح
    2 من الأعضاء مٌعجبين بهذه المشاركة: #غموض فتاة,koukouana







    احيانا تبكي ولا تدري ما القصة
    غير انك
    تعبت من كل شيء




  9. #9
    -•♥ مشرفة قسم الصور والكاريكاتير♥•- الصورة الرمزية #غموض فتاة
    تاريخ التسجيل
    Feb 2019
    المشاركات
    494
    الجنس
    أنثى
    الوظيفة
    تلميذة السنة الرابعة متوسط
    الهوايةŠ
    كتابة الشعر والخواطر ،المطالعة، الرسم.
    شعرك
    كما تدين تدان!

    افتراضي رد: ✿..قِرِوِيَة فِي لُنْدَنْ..✿

    اقتباس المشاركة الأصلية كتبت بواسطة فتاة بلا مشاعر مشاهدة المشاركة
    قصة جمييلة جدا
    مشكووورة على الطرح
    الشكر على مرورك الطيب♥
    2 من الأعضاء مٌعجبين بهذه المشاركة: koukouana,فتاة بلا مشاعر
    اللهم بارك لنا في شعبان وبلغنا رمضان..~
    اللهم بلغنا رمضان لا فاقدين ولا مفقودين..~



  10. #10
    -•♥ مشرفة قسم المجوهرات والاكسسوارات ♥•- الصورة الرمزية دمعة القمر
    تاريخ التسجيل
    Apr 2016
    المشاركات
    5,942
    الجنس
    أنثى
    الوظيفة
    طالبة سنة ثالثة متوسط
    الهوايةŠ
    دراسة طب القلب
    شعرك
    لا اله الا الله محمد رسول الله

    افتراضي رد: ✿..قِرِوِيَة فِي لُنْدَنْ..✿

    مشكورة في متابعة في بارت ثالث
    الأعضاء المٌعجبين بهذه المشاركة: koukouana

صفحة 1 من 2 12 الأخيرةالأخيرة

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •