أهلا وسهلا بك إلى منتديات طموحنا.



خطوات تحفيظ الطفل القران من سن سنتين ونصف

بسم الله الرحمن الرحيم اولا أسألكم الدعاء ربنا يجعلنا واياكم وابناءنا وابناءكم من اهل القران الكريم احكى لكم من الاول انا كنت فى القاهره وشفت فى مسابقه دوليه



خطوات تحفيظ الطفل القران من سن سنتين ونصف


النتائج 1 إلى 2 من 2
  1. #1
    -•♥مشرفة قسم مائدة طموحنا♥•-
    تاريخ التسجيل
    Oct 2012
    العمر
    18
    المشاركات
    3,455
    الجنس
    أنثى
    وظيفتي
    مزَآآلنُي صٌغيّرة {طبيبة}
    هواياتي
    DànSs
    شعاري
    سٌتكون الدُكًتورة بدآآيت آسَمي يومآآ مآ

    افتراضي خطوات تحفيظ الطفل القران من سن سنتين ونصف

     
    بسم الله الرحمن الرحيم



    اولا أسألكم الدعاء ربنا يجعلنا واياكم وابناءنا وابناءكم من اهل القران الكريم

    احكى لكم من الاول
    انا كنت فى القاهره وشفت فى مسابقه دوليه للقران الكريم تبع وزاره الاوقاف
    ولقيت بنت ماشاء الله عندها 7 سنوات زى القمر ماشاء الله ربنا يبارك فيها ونجحت فى المسابقه الدوليه واتكرمت كمان مع السيسى
    مش عارفه ازاى ما اتنشرتش على النت بس اصل الصحافه مشغوله بالفنانين والرقاصين الله يكون فى العون

    المهم سالت والدتها هى حفظت القران ازاى فى السن ده قالت لى والدها الله يرحمه هو اللى حفظها وبدأ معاها من سن 3 سنوات
    ومن هنا حطيت هدف لنفسى ان بنتى تحفظ القران من سن 3 سنوات الى 6 سنوات والله المستعان

    وبعدين فى يوم بنتى راجعه من الحضانه وهى عندها سنتين ونصف ولقيتهم فى الحضانه بيحفظوها سوره الفاتحه
    ولقيتها ماشاء الله حفظتها من كتر تكرار المدرسه
    وبعدين السوره كبيره ...... قلت طيب ما انا بنتى ممكن تحفظ كده اللى بعده
    ومكدبتش خبر لف على النت وأسال الشيوخ واجرب كل حاجه

    لحد الحمد لله فى 3 شهور حفظت اقل من نصف جزء عم بالقليل
    ( قولوا ماشاء الله ..... لو العين صابتها هرش ميه وأغرق كل اللى فى المنتدى )
    اللى هقوله عن تجربه ومحدش يسأل اشمعنا ده او الطريقه دى ليه
    ده لانى جربت كتيييييييييير ولقيت ان ده الافضل

    ************************************************** *************************
    الخطوات :
    1. تشترى جهاز كاسيت من اللى فيه فلاشه وطبعا فلاشه صغيره كده تأخد الصور
    انا الصراحه اخترت قراه العجمى لانها سريعه والبنت بتفهمها وكمان جربت الحصرى بترديد الاطفال بس مش نفع
    وتنزلى بقى جزء عم وتحطى الصوره اللى عليها الدور فى الكاسيت
    يعنى النهارده سوره الاخلاص يبقى هى اللى تفضل شغاله طول النهار

    وكمان طول الليل ( ركزى معايا قوى هنا )
    طول الليل لان ده بيتخزن فى العقل الباطن لها فلما تجى تحفظيها تلاقى الموضوع اسهل كتيييير
    دورى على النت هتلاقى حفظ القران وانت نائم

    2. اول البدايه هى اصعب البدايه
    السن هى متعرفش فيه ان ده قران هى عاوزه اغنيه زى طلع الفجر ولا القطه المشمشيه
    عشان كده انتى لازم تقراى السوره كانها والله اعلى واعظم اغنيه
    بتتحركى وانتى بتقراى وتعملى تعابير بوجهك وتسقفى وحجات كده من اللى بتشجع دى

    3. فى الاول الموضوع صعب ... مخارج الحروف عند بنتك وحشه الذاكره متبهدله وحجات كده
    وكمان بنتك مش هترضى تسمع لك ابدااااااا يعنى انتى كمان مش هتقدرى تعرفى هى حفظت ولا لاء
    بس صدقينى هى حفظت والصوره متخزنه فى الذاكره
    فى الاول الصوره الصغيره هتاخد لها 3 ايام تكرار وانتوا بتلعبوا وانتو بتأكلو وانتو بترقصوا وانتو فى اى حته وفى كل حته
    وطبعا بابا جه تعال قول معانا والحجات دى

    4. السور الصعبه عديها يعنى بلاش تركزى قوى على الكافرون اذا كنت انا بتلخبط فيها
    ومش مهم يا ستى سوره البينه الوقتى خلينا فى السهل الاول

    5. خلصتى بقى السور الصغيره ودخلتى فى الكبير شويه
    يعنى مثلا العلق دى كانت بالنسبه لى تحدى وفضلنا فيها كتيييييييييييييير ولسه حتى ما اتحفظتش كويس
    لحد ما اتعلمت خطوات مهمه انا هلخصها لك
    **** اهو حاجه اول السوره يعنى يومين تحفظى فى اول ايتين
    الطريقه كالتالى :
    الايه الاول تكرار 10 مرات مثلا
    الايه التانيه كذلك
    الايه الاولى وبعدها التانيه تكرار 10 مرات

    لو حفظت اول السوره بقى الموضوع سهل كتييير لان بعد كده هى عندها قابليه انها تكمل باقى السوره حتى لو صعب
    انتى ممكن تسمرى 4 ايات ب 4 ايات يعنى تقريبا سطر ونصف وحسب الاستجابه

    6. والنقطه دى مهمه جدا
    السوره اللى تخلص اكيد ما اتحفظش كويس وده اساسى يعنى بس المهم ان الولد وهو بيسمعها يكون بيقرأ ايه ويقف ايه
    لو قلتى له اول الايه يكملها
    هو ده الحفظ اللى انتى عاوزاه وشكرا تقومى بقى تخلصى الصوره دى وتتنقلى على اللى بعدها
    لكن
    الصوره اللى فاتت دى ابنك دلوقتى بيحبها عن الصوره الجديده فبالتالى لما تجى تحفظيه الجديده هتقولى له نقول دى الاول ولا القديمه
    هيختار القديمه طبعا وبالتالى هيقراه تانى وهتاكد الحفظ عنده

    7. المخ زى الكمبيوتر بالظبط
    البيانات المؤقته اللى هى لسه حالا بتتخزن فى ذاكره مؤقته ... يعنى تحفظى ابنك السوره من هنا وتلاقيها اتبخرت
    يعنى يوم واحد والمخ هيرميها ومش هيتذكرها
    بس لو جيتى بعد يومين او تلاته وراجعتى عليها تانى كانك بتحفظيها من الاول يقوم المخ يتأكد ان دى بيانات مهمه لان هى اتكررت تانى
    هيقوم يخزنها فى الذاكره الدائمه وان شاء الله ما تتنسيش ابدا

    فانتى ما تفضليش شهر فى سوره واحده عشان ابنك ما اتقنهاش
    انتى اتنقلى على اللى بعده وهتلاقيها ثبتت ان شاء الله

    الموضوع بالظبط زى ما تقولى كلمه قدام ابنك ويتهئ لك انه ما اخدش باله منها وتلاقى المكار حفظها وبيكررها لك

    8. اياكى تنطقى قدام جنس مخلوق ان ابنى اصله حافظ اصله مش عارف ايه
    انتى تخرسى خاااالص ولا حتى قدام امك او اختك او خالتك ولا الهوا
    وانتى هتجربى بنفسك مش بعيب فى حد بس استعينوا على قضاء حوائكم بالكتمااااان
    لان ابنك مش احسن من ابنها عشان ابنك يحفظ وابنها لاء .... وهكذا

    9. بلاش المكتب كمان
    اصل هو المكتب بيعمل ايه ده بيسمع له .... وانتى ان شاء الله دورك ايه
    ده غير بقى الحسد بعيد عنك
    جت فتره عليا وبنتى مبقتش راضيه تحفظ خااااالص
    وديتها لمدرسه وقلت لها على الطريقه اللى عاوزاها تحفظها بيها وقلت لها هعطيكى اللى انتى عاوزاه
    والله اول يوم البنت ما سمعتش كانت مستغربه المكان
    اليوم التانى المدرسه سمعت لها وعرفت هى حافظه اد ايه ..... والبنت مروحه التكتك خبطها واتعورت بس الحمد لله جت بسيطه
    فقلت معدش مودياها
    فالمدرسه بقولها هى معدتش هتيجى لانها مش حافظه وكده
    قالت لى ازاى دى حافظه كويس جدااااا ماشاء الله حتى بقول لبنتى انتى خايبه خليكى شاطره زى البنت دى

    10. حل مشكله الفتور
    ودى مشكله تقريبا كل يوم
    اولا انك تحصنيها بالقران .... يوميا
    وانك ما تنطقيش خاااالص عنها
    وكمان التشجيع

    يعنى انا اكتشفت انها بتفرح قوى لما نلعب سوا
    لذلك قررت ان ده يبقى الثواب بتاعها يعنى نلعب بالمنكير شويه ونحفظ شويه
    بالمورجيحه شويه والمكعبات شويه وهكذا


    اى سؤال انا فى الخدمه وعذرا على الاطاله
    اسالكم الدعاء ربنا يجعلنا من اهل القران وابناءنا واباءكم جميعا

    o',hj jptd/ hg'tg hgrvhk lk sk skjdk ,kwt

    الأعضاء المٌعجبين بهذه المشاركة: byby44

  2. #2
    ♥•- مشرفة سابقة -•♥
    تاريخ التسجيل
    Oct 2013
    العمر
    19
    المشاركات
    1,973
    الجنس
    أنثى
    وظيفتي
    طالبة
    هواياتي
    كتابة الاشعار
    شعاري
    النجاح

    افتراضي رد: خطوات تحفيظ الطفل القران من سن سنتين ونصف

    مشكورة على هذه المعلومات القيمة

 

 

المواضيع المتشابهه

  1. قصة غريبة جدا ,,,,طفلة عمرها سنتين تريد الموت
    بواسطة كوثر الجميلة في المنتدى القصص و الروايات
    مشاركات: 4
    آخر مشاركة: 25-07-2014, 17:08
  2. فضائل القران وأهل القران
    بواسطة H.HADOUCHE في المنتدى منتدى القرآن الكريم والحديث الشريف
    مشاركات: 7
    آخر مشاركة: 28-04-2014, 22:29
  3. خطوات لكسب احترام الطفل الصغير
    بواسطة الافق الجميل في المنتدى الامومة والطفولة
    مشاركات: 0
    آخر مشاركة: 01-11-2012, 11:35
  4. تغذية الطفل من الولادة الى سنتين
    بواسطة كبرياء أنثى في المنتدى الامومة والطفولة
    مشاركات: 0
    آخر مشاركة: 06-05-2011, 22:30

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •