أهلا وسهلا بك إلى منتديات طموحنا.



أشعار حامد زيد

السلام عليكم ورحمة الله وبركاته مدونتي هده اريد ان اجمع بها أشعار الشاعر الكبير حامد زيد للمعلومية هاشتاقه و صفحته بالتويتر : حامد_زيد



أشعار حامد زيد


صفحة 1 من 6 123 ... الأخيرةالأخيرة
النتائج 1 إلى 10 من 55
  1. #1

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي أشعار حامد زيد

     
    السلام عليكم ورحمة الله وبركاته


    مدونتي هده اريد ان اجمع بها
    أشعار الشاعر الكبير

    حامد زيد

    للمعلومية هاشتاقه و صفحته بالتويتر :

    #حامد_زيد

    https://twitter.com/hamedzaidq8







    Hauhv phl] .d]


  2. #2

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    على ذاك الطريق
    على ذاك الطريق اللي يسمونه غرام أحباب وطت رجلي على دربه ولا أدري وش نوى فيني
    تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني
    لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني
    صدفتك معجبه فيني وياليت .. الغرام : اعجاب وتراك انتي الهنوف اللي هقيتك تستحقيني
    عطيتك عشق من قلبي .. وسلمت لغلاك رقاب وغيرك يحترق قلبه ولا يقدر يحاكيني
    أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني
    رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني
    تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني
    تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني
    وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني
    ولا منك هقيتيني شجاع وما يطيق يهاب أنا لك بالهوى والله مثل ما انتي هقيتيني
    أنا ما أمشي ورا غيرك ولو أنه يطق الباب وترى عيبٍ عليّ أطعن .. ولو كثرت سكاكيني
    زهودٍ ما يطيق الدم لا داين ولا طلاب شجاع وعارفٍ نفسي وأظن أنك تعرفيني
    غيورٍ ما عرفت أضحك مع العذر ببّرود أعصاب أبيع عيوني الثنتين قبل أنك تخونيني
    إذا شد الغرام .. اترك خفوقي : بين ناب وناب لفرقىً تكسر ضلوعي .. ولا عشقٍ يوطّيني
    أنا رجلٍ ولي غيره .. وإذا شفت الهوى كذاب تثور بقلبي الفزعه ولا تهدى شياطيني
    سؤالك لو يزعزع بي كياني ما قبلت عتاب اجي لك وأسالك نفس السؤال اللي سألتيني
    عن العشق القديم أبواب .. تقفيها كثير أبواب بعد ذاك الحبيب اللي خدعني وانخدع فيني
    أبي عشق تحسب له كل نظرات العيون حساب وابي قلبٍ علي قلبي ، وابى دينٍ على ديني
    وابي نظرة عطا توفي ولا تخلف بدون أسباب وابي منك قبل لا نتي تصديني .. توديني
    وابي دربٍ على العذال صعبٍ متعبٍ غلاب وابي نفس الطريق الصعب يبعدهم ويدنيني
    ترى لو للقلوب عيون ولدموع العيون أهداب حشى ما تنزل الدمعه لغيرك لو تركتيني
    أنا أول من عرف قدرك وأنا توي صغير وشاب وابي منك ما دام أنك عرفتيني تحبيني
    ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني
    ما دام أن كل من يحيا على وجه التراب تراب عسى تنساني الدنيا مادام أنتي ذكرتيني

  3. #3

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    ثامن السبع العجايب
    اسمعي والكل منا له هواه وله ميوله لاتمسين بكلامك شعرة بروس القرايب
    ان حكيتي ماوفيتي وان تحديتي عجوله تحسبين ان كل فعل تفعله يمناك صايب
    تحسبين انك خذيتي بالحشاء صولة وجوله تحسبين اني ذكرتك مع نسانيس الهبايب
    والله انك لو ذبحتي خافقي لالقاك حوله عاشقه تشقىبفلب من طريق العشق هايب
    كم رضيت اسكت عليك من القهر وانتي زعوله خايف اضحك واستفزك واهجرك واعيش ذايب
    ادعيت انك خجوله وادري ان منتي خجوله وادري انك تخجلين الشمس من فوق السحايب
    مايحببني بقلبك يالهنوف الا فضوله وماينسيني غرامك غير تكرار المصايب
    عاشقه جيتي ورحتي يالحبيبه يالعذوله مابنيتي لي طموح ولاتركتيها خرايب
    تستبيحين القلوب وتستحقين البطوله واستحق بعدك تايب واموت تايب
    ياكثر ماشال قلبي شيء اكبر من حموله ولاعفيتي عن غلاه ولابخلك بالوهايب
    كنه ارحم من همال المزن للزهر بذبوله وانتي اقسى من سموم القيض وكفوف اللهايب
    وانتي ادرى في غلاك بداخلي شاللي يزوله وادخلي دخله على الله واحفظي ذيك السبايب
    ماخبرت اللحظه اللي حللت قربك تحوله ولاهقيت اني بشدد للجفا قلب وركايب
    ماهقيت انك تحسبين الزلل وانتي جفوله وماهقيتك تكرهيني كثر حبك للطلايب
    كن قلبي في وصالك وابل لحظة نزوله وفي فراقك مثل دمعه تنحدر من عين شايب
    كنت ابي وقفه حبيبه تنهض القلب بخموله طافح بالعشق وانتي عايبه والحظ عايب
    كنت عصن كل كف غير كفك مايطوله كنت درب ودمعتين وقلب وجروح عطايب
    كنت ابيع العمر كله وارخصه عرضه وطوله للعيون اللي هدبها ثامن السبع العجايب
    بس ابرضيلك غرورك واكسر القلب بذهوله وقتها ماكنت افكر صايب او كنت خايب
    والرجل لو ماعلى بالشهامه والرجوله صدقيني صعب يقدر يملك قلوب الحبايب
    صدقيني مايوالف خافق البنت بسهوله بالهوى يابنت حواء غير طلاب النشايب
    والسهر والعشق الاول والهوى واللي ينوله شيء اقسى من همومك وألعنه حاظر وغايب
    والهموم اللي دعتني من بعد سن الطفوله كلها من تحت رأس العشق ملعون الصلايب


  4. #4

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    أربع خناجر
    مـشكلة .. لا جـات حاجتك بيدين البخيل مـا يـفكك لـين تـدفع كـثر مـا يدفعه
    ومـشكلة لا صرت مطعون بكفوف الدخيل فـي ظـهرك أربع خناجر وبالصدر أربعه
    ومـشكله لا ضـاق بـالوقت رجالٍ ثقيل يـطـلب أحـبابه وعـيا زمـانه يـنفعه
    لـيت ربـي مـا يحاسب خليلٍ من خليل دام مــا لـلحظ فـزعة ولـلوجه أقـنعه
    دام مـاللعذل تـالي ومـا بـالحيل حـيل الـغـلا سـمٍ نـذوقه .. ومُـرٍ نـجرعه
    نحتري فيه اللقا .. والحصيل اهوَ الحصيل مـثل حـلمٍ مـا تحقق .. وعييت أقطعه !
    كـني الـلي حـط بـشفاه من جمر المليل لا قـدر يـرميه لـلناس ، وازرى يبلعه !
    والـظروف الـلي حـدتني لنيران وفتيل عـرضت دمـع الـمحاجر لـشيٍ يجزعه
    والـمدامع بـالغلا.. لا تـحال ولا تـحيل والـمشاكل كـل مـاجات .. جات مجمعه
    أعـذلوني عن هوى النفس وعيوني تخيل فـي حـبيبٍ مـا تـركته ولازلـت اتبعه
    مـغرمٍ فـي حب مثله ولا أرضى له بديل عـيني تـشوفه .. وقلبي يجوع : ويشبعه
    ذاك كـل مـازان بالي ، وطالعت النخيل مـا ذكـرت الاّ ثـباته بـوقت الزعزعه
    مـا هـو إلا قـطعةٍ مـن حشا قلبٍ عليل ومـاني الا قـطعةٍ مـنه مـخلوقٍ مـعه
    لا جـميلٍ شـفت قـبله ، ولا بعده جميل الـعذاري رهن رمشه ، وانا رهن أصبعه
    والله انـه لـو طـلبني طـلوع المستحيل ل اطـلعه .. مـنّيه ، مناك .. يعني لطلعه
    مـا عـلي مـن الـملامه ولا هرج الهبيل مـا أشـجع الرجال لا ثار غيره ماأشجعه
    فـي عـيون اللي عشقني ولا جاني هزيل الله الـلي حـط عـشقه بـقلبي ، وازرعه
    لو سكت .. ينطق له الصم ، والدنيا تسيل وان حكى .. لو يمشي المزن يوقف يسمعه
    سـلسبيلٍ مـن شـفاته يـخالط سـلسبيل مـعمعه بـسكات واحـلى سـكات بمعمعه
    مـا هقيت ان أكثر الليل يمرح بالجدايل : لـين شـفته شوف عيني (( بكفه يرفعه ))
    وإن حـييت ومـا بـقى لي معه كود ليل لـسهره بـأول غروبه .. واموت بمطلعه
    والله ان العشق جمره : وطاحت بالشليل ! وان حصل ما طاعك الوقت بحبابك .. طعه
    ومـنهو الـلي عـلم أعداي نكران الجميل ومـنهو الـي خـان خـلي وحاول يقنعه
    كـل عـاذل ردنـي عنك يالطرف الكحيل يـاعسى الله يـقلعه .. يـا عسى الله يقلعه
    يـامعرض قـلب الأحباب للدرب الطويل الـسعه . لا بـارك الله بـالضيق . السعه
    والله أن الـوقت قـاسي وأنـا ماني ذليل وأشـهد ان الـرجل مـرات ظـنه يخدعه
    وأنـتم تـعذلون خـفاق بـعيون الـعديل مـا رحـمتم نـار جـرحه وغيرة مدمعه
    والـسوالف لـيلها لـيل والـحايل يـحيل والـمـشاكل مـشـكله مـشكله مـتجمعه
    مـشكله لا خـانك الـوقت بالحمل الثقيل لـو زرعت الزرع هوج العواصف يشلعه
    ومـشكله لا صـار عـاذلك مايبرد غليل لا تـرده طـيب كـلمه ولا حـدٍ يـمنعه
    ومـشكله لا صرت مطعون بكفوف الدخيل فـي ظـهرك أربع خناجر وبالصدر أربعه


  5. #5

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    تزعلين وتقعدين
    عـافت الـشمس المدينة وأعلنت وقت الزوال رغـبةٍ لـلنوم مـنها مـع عـيون الـناعسين
    أبـعدت مـن يـوم شـافت بالسما ضيّ الهلال كـنّـها كـانـت تـهزّا بـالهلال وتـستهين
    كـفكفت صـبح التلاقي من ورا روس الجبال واسـتخارتني وراحـت وابعدت عن كل عين
    وانـتي أخـطيتي خـطاها وانعزلتي بالوصال ولا رحـلتي مـن سـكات ولا وعدتيني تجين
    عـشت عـمري بـالمحبة في سبيل الاحتمال وانـتي تـعيشين عمرك ( تفرحين وتجرحين )
    مـن غـرورك فـي جمالك ما عطيتيني مجال وأدري إنـك تـفهميني لـو بـغيتي تـفهمين
    كيف أشوف الشمس تشرق بالسما وانت ظلال ؟ ومـن يـعيش بـوسط غارٍ للذياب الجايعين ؟
    كنت أحسب الكره زايل والجفا لو ( طال زال ) ولا بـديتي بـالغرام ولا بـقى فـيني حـنين
    أشـهد إنـي مـا خـطيت ولا نويت الانعزال ومـا خـدعتك فـي غرامي لين شفتك تخدعين
    اصـدقي بـالوعد مـرة لـي ولـو فيها سؤال مـن عـرفتك مـا أذكر إنك توعدين وتصدقين
    كـنت أشوفك من عيونك تأمرين أقوى الرجال والله إنـي قـبل أعـرفك مـا هقيتك تخضعين
    كـنت أشـوفك تـبعدين وقلت من باب الدلال وإن بـعدتي عـن عـيوني قلت باكر ترجعين
    كـنتي أكـثر فـي عيوني من عدد وبل الخيال ويـن أنـا ما الد وجهي كنت أشوفك تضحكين
    وإن بـغيت أصد عنك من ( يمين ومن شمال ) مـا قـوت عـيني تلفّت ( لا شمال ولا يمين )
    عـاشقٍ والـعشق بـلوى وأشهد إن الحال حال ولا تـركتي رحـمة الله ولا عـرفتي ترحمين
    وأدري إنـك فـي غـرامي للأسف نلتي منال افـترقنا فـي دقـايق والـسبب لـعنة لـعين
    حـبك أشبه في غرامي ( بالوصال الانفصال ) ويـلعب الـخفاق لـعبة كـبرياء الـخاضعين
    بـالهوى مـاهي غـريبة نـكبة عيال الحلال ولانـي أول من يصون ولا انتي آخر من يهين
    الـصداقة فـي عـيون الـناس مـنفى للعدال وكــان ردّت لـلـصراحة كـلبونا مـذنبين
    الـمـحبة شـبه زالـت والـصداقة لاتـزال بـس أبـبقى في عيونك ( حامد ) اللي تعرفين
    عـلّميها يـا قـصيدة واضـربي فـيني مثال عـرفـيها بـالـبداوة فـي طـباع الأولـين
    عـلّميها كـيف نـصنع صـبرنا والاحـتمال عـلّميها كـيف نـفلح بـالعمل ( دنيا ودين )
    عـلّـميها فــي سـوالف حـلّنا والارتـحال عـلّـميها كـيف نـظهر جـورنا لـلجايرين
    عـلّـميها يــا دقـايق ، عـلّميها يـا لـيال عـلّميها يـا عـصور وعـلّميها يـا سـنين
    إن عـشقنا مـا بـغينا غـير عـشقٍ بالحلال وإن نـويـنا مـا لـفينا كـود نـاس طـيبين
    كـامـلينٍ فــي عـطانا بـس لـله الـكمال والـرجل فـينا غـرامه لـو يـعين ويستعين
    ابــدويٍ مـا يـقوده لـلردّى شـد الـحبال يـعسف الـيدّ الـشحيحة لـلعطا حـتى تلين
    هـمنا فـعل الـرجولة رمـزنا لـبس العقال وانـتي الـمكياج كـله صار في وجهك سجين
    عـندك الـمكياج مـوضة تـحسبين إنه جمال صـار هـمك فـي حـياتك تكشخين وتطلعين
    والا أنـا قـلبي بـقى لـي بالمحبة راس مال والله الـلـي مـبـتليني بـالهوى والله يـعين
    إن بـغيت أعـشق أبـالقى كثر حبّات الرمال لـكن انـتي لـو بـغيتي صعب مثلي تعشقين
    قـلت لـك كل الصراحة وأختم أطراف الجدال وإن زعـلتي مـن كلامي ( تزعلين وتقعدين )


  6. #6

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    قدها وقدود
    أنـا ربـتني الـدنيا عـلى جـزل العطا والجود ونـفسي لـلوفا والـطيب وفـعل الخير جزامه
    وأعـارض مـنهج الهابط وأوافق للصعود صعود وأسـيّر نـفسي بـعقلي مـدام الـنفس هـدامه
    ولا تـثّر بـي الـبسمة ولا كـحل العيون السود ولا يـقوى عـلى قـلبي صغير الحسد وأجسامه
    أردّ الـجود بـأمثاله وأقـابل بـالجحود جـحود وتـرى لا خـير فـي رجلٍ يوطّي للردى هامه
    وعـندي مـع أهـل العِليا مواثيق وثلاث عهود أوفــي لـه مـطاليبه وأودّه وأرفـع أعـلامه
    أعـايش مـركب الـدنيا عـلى متن القدر مولود أبـعرف هـو صـحيح إنّ القدر بالناس دوّامه ؟
    ومـن ويـن الزمن مقبل وإلى وين الليال تقود؟ ومـن فـي هـالزمن يقدر يوجّه خطوة أقدامه؟
    ومـن له بالزمن غاية ومن عنده هدف منشود ؟ ومـن مـنّا قـدر يـعرف خـفايا مقبل أيامه ؟
    عـرفت إنّ الشقا باقي ، عرفت إنّ الحسد موجود عـرفت إنّ الـقدر يـفرض علينا بأسوأ أحكامه
    لـقينا الـعرب حـاسد وشـفنا بالعرب محسود وبـه نـاسٍ لـنا ضـامت ، وبه بالناس منظامه
    ويـنقص بـعضنا خـوّه ويـنقصنا وفاء وعود مـدام الـحسد بـاقي وبـعض الـناس نـمامه
    ولا تـرجى بـها الدنيا من ربوعك يجيك اسنود ولا تـشره عـلى رجـلٍ عـيونه خانت أقدامه
    وقـابل خـطوة بخطوة وجازي بالصدود صدود تـناسى غـلطة الصاحب عليك بلحظة اخصامه
    ولا تـخطي تـرى لصبر الحليم اليا سلاك حدود تـروّى واعـرف بـضرب الحديد تفكك لحامه
    تـجنب كـسرة الخاطر ولو حبل الزعل مشدود تـراك بـكسرة الـخاطر حـكمت القلب بعدامه
    ولا تـزعل عـلى رجلٍ بذل لك ولرضاك جهود ولا تـامن مـن الـحاسد رضـاه ورفعة ابهامه
    نـبي نـصبر عـلى الـدنيا قلوبٍ بالحياة زهود مـدام إنّ الـبخت عـيّت تـوّفق رمـعة سهامه
    وأنـا مـا قـلتها راجي ولا أطلب بعدها مردود ولـكـن الـفـتى ودّه يـحقق جـملة أحـلامه
    وبـمشي لآخـر الـدنيا ولـو كـلّ الأنام اقعود وعـن وجـه الـزمن بكشف حقيقه وأرفع الثامه
    صـحيح إنـي صغير السن ولكن ( قدها وقدود ) وأنـا عـندي مـع الـدنيا مـواقف ترفع الهامه
    طـموحي يـملي الـعالم ولابـه لـلطموح قيود مدام إن الأمل طبعي ( عرين وصرت ضرغامه )
    خـلقنا الله مـن تـرابه ولأحضان التراب نعود تـحت رمـل الـثرى نبقى تغطي جسمنا خامه
    سـلفنا مـا لـحقناهم تـحت قـاع التراب رقود ولا يـبقي مـن الـميت سـوى ذكراه وعظامه
    ولـو طـال العمر فاني وترى عمر الفتى محدود وكـلٍ يـطلب الـمولى يـبيحه يـحسن ختامه
    وأنـا بـلّغت بـلساني وربـي والأنـام شـهود وصـحف الـبيّنة جـفّت وعـنها رفعت أقلامه

  7. #7

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    يقولون ما لا يفعلون
    سافرت ضيّ المدينه واسلبت روحي بلاهـا أهجرتني وهجفتنـي تايـه مضيّـع دليلـه
    هزّت ركون المباني... حسبي الله من جفاها فرحةٍ جيت أحتضنها واثرها منـي جليلـه
    ماهقيت ان القمر يعشق من الدنيـا حلاهـا لين هوّن من سماه أليا طرا العالـم رحيلـه
    مابقا حتى الشجر عزّل من جـذوره قفاهـا والسحاب المعتلي صرّح من العالي مجيلـه
    سافرت نفح العفافه واحتضن قلبي شذاهـا سافرت كل المحبـه والأساطيـر الجميلـه
    مركبي ضيّع مسيره بين تجديفـت غلاهـا القلب ينوي جداها .. والعمر يرجي سبيلـه
    واصبحت أرضٍ شحيحه ترتجي ديمة غلاها ترتجي مزنة لقاها ترتجـي نسمـه هزيلـه
    عبرتي عالخد تجري والعمر يجري وراهـا والحزن خيّم بداري زارني وقت الأصيلـه
    هلهلت دلة سنيني " مرحبا بمن هو لفاهـا "وامرحت تسقي همومي من فناجيل ٍ هميلـه
    سافرت زهرة شبابي بالسلامه يـا عساهـا سافرت معها المشاعر والأحاسيس الجزيله

  8. #8

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    غدر الخناجر
    عفا الله عن خطا غدر الخناجر والضلوع ابطال بسامح واتركك تحت الظلام الحالك لحالك
    دخيلك وفر دموعك ترى هدر الدموع اذلال وترى ما فيه أحد يصبر مثل صبري بغربالك
    انا عيب علي أنقض كلامي والرجال افعال واذا قلت اقطع احبالك تراني بقطع حبالك
    عشان اكسب هدب عينك تجرعت العذاب اشكال وليتك ترأف بحالي علشان ارأف بحالك
    مسوي في حياتي شي ما يذكر ولا ينقال حشا حتى العدو وهو العدو ما يعمل اعمالك
    تمسيني على الهم وتصبحني على الغربال تقلطني فناجيلك وتقصر عني دلالك
    تحملت التعب لجلك وانا حملي يهد جبال رحلت من العذاب وما وقفت الا على جالك
    علامك كل ما جيك متواضع جيتني تختال؟ معاك اليا متي بصبر وصبري معك يحلالك؟
    مثل ما اقبلت لعيونك لزوم تلد لي باقبال ومثل ما قد حشمتك حس واحشم قلبي اشوى لك
    أنا محدن بجابرني أساير معك هالمنوال ترى لاني تبيع لك ولا ني باصغر عيالك
    أنا جيت اعشقك نبض ومشاعر ما اعشقك (تمثال) أنا جيت اسكنك واحياك وابقى فيك وابقى لك
    أنا جيت بظما عاشق تعب يطرد سراب اللال أنا جيت استفز رضاك من فرقاك والجا لك
    أنا ما همت بك عاقل أنا كنت اعشقك بخبال أنا ما كنت احبك حي أنا كنت اعشقك هالك
    تخيل من كثر ما اخاف تلقى للزعل مدخال أخاف اخطي على طيفك وادوس برجلي ظلالك
    تبعتك والعرب تتبع رعود البارق الهمال وانا شفت المطر يتبعك في حلك وترحالك
    كأن اللي خلق حسنك خلقني مع جسدك ظلال وصرت اقرب جسد يمشي معك باقفاك واقبالك
    أبي قلبك يحس انه فقد بمحبته رجال ملكته من هدب عين وخسرت رضاه باهمالك
    صحيح ان الفراق اقسى ولكن الوصال محال أنا صعبن علي أرضي غرورك واضعف قبالك
    بعد ما حققت عيني فبعدك للرقاد امال أعود للسهر؟ -- يا خوي فال الله ولا فالك
    ببدل نظرتك فيني واجي لك كل يوم بحال بكون اقرب من ثيابك عليك ولا تهيا لك
    بلمك وانثرك واجمعك وارجع وانثرك باهمال بخونك وازعلك وارضيك وازعل منك وارضى لك
    أبرسم بالثرى وجهك وابدفن صورتك برمال أبشكي للعرب فرقاك واضحك عند عذالك
    أبهديك الوصال فراق واهديك الفراق وصال بسوي مثل ما شوفك تسوي وافعل افعالك
    عشان تعرف من فينا الزعول ومن وسيع البال أبيك تذوق فنجالي وانا بذوق فنجالك
    نصيحة واحتفظ فيها قصر معك الزمن أو طال أبي تسمع كلامي زين وتحطه على بالك
    اذا حبك هبال اطفال لك عندي هبال اطفال ولا !! وابشر بعد بهبال حب ٍ ما هو بهبالك
    واذا قصدك تهين اسمي عشان تشمت العذال ترى لا انته ولا غيرك !ولا عشرة من اشكالك

  9. #9

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    الريم
    واعيني اللي كل ماذعـذع مـن الغربـي هبـوب يحلا لهـا لـون الغـروب اللـي يـذوب قبالهـا
    ويا ويل حالي كل ما يحـلا لهـا لـون الغروب تطـري لـي الريـم اللعـوب وسالفـة ترحالهـا
    وياجرّ قلبـي كـل مـل تطـري الريـم اللعـوب حرّمت أمد ايدي على حاجة وأنا مـا اقـوى لهـا
    من سافرت ريم الغلا صدّيت عـن كـل الـدروب ماهـو قصـور بالعـذارى, بـس ذيـك لحالهـا
    من فارقتني ما خطف قلبي مـن الحـور محبـوب ولا لقيـت الجـادل اللـي تستحـق أحيـا لـهـا
    لان القلوب إن ما وفت لأحبابهـا ماهـي قلـوب والعشرة اللـي ماتـرد الـروح مـا نسعـى لهـا
    أما الوفاء الل يستر الرجّـال مـن كـل العيـوب والا الجفاء اللي يستر عيوب العـرب ف رجالهـا
    مـا أقسـى مــن فــراق أهــل الجـنـوب ويلي على اللي كـل مـا تزعـل تشـد رحالهـا
    اللي مذيّرها العتب.. لا شبّـت بصـدري شبـوب عيّيـت أراضيهـا وهـي عيّـت تطـول بالـهـا
    كانت معي مثل النصيب يحدّني مـن كـل صـوب كانت دروبـي مـن متاهـات الضلـل.. لظلالهـا
    كانت هروبي لا شعـرت إنـي بحاجـة للهـروب كانت سماي اللي ليا ضاقـت علـيّ ألجـا.. لهـا
    ليه اتحداني وأنـا فـي كـل الأحـوال مغلـوب ؟ ليـه حرمتنـي مـن قهـر عـذالـي وعذالـهـا
    ليـه اتجاهلنـي وأنـا مانـي جبـان ولا كـذوب ليه ارخصـت دمعـي وأنـا مـا بكيـت إلا لهـا
    ما ترحم اللي له سنه كنّه علـى النـار محطـوب مـا هزهـا دمـع الفقيـد اللـي بكتـه أطلالهـا
    ما خافت تهدْم السنين اللي بنتنـا طـوب طـوب ما فكـرت تشفـق علـى حالـي وترحـم حالهـا
    قولوا لها لـو مـا تـذوب أنـا بخليهـا تـذوب قولوا لها لو ما عنـت لـي مستعـد اعنـا لهـا
    اليا ادمحت لي هالخطا بدمـح لهـا كـل الذنـوب وإن جابت الحسنة معـي تبشـر بعشـر أمثالهـا
    افرش لها صدري وطن واجمع من ضلوعي شعوب وارقـى لهـا مكانـة محـد قـدر يرقـى لـهـا
    إن كانّي مخطي فأنـا مانـي خلـيّ مـن العيـوب الذنـب يغفـر والبشـر تجـزا بقـدر أعمالهـا
    البعد قاسي والفـراق يضيّـق الصـدر الرحـوب وأنــا تعـبـت أدور الحيـلـه وارد احتالـهـا
    قولوا لها ترجع ترى ماني على البعـد مغصـوب وإلا تـرى نـذرٍ علـيّ أنـه مهـوب أشوالهـا
    أمـا تجنّـب هالهبـال وتتـرك البعـد وتـتـوب والا بتبشـر بالهبـال اللـي مـا هـوب هبالهـا
    كافي زعل ترى الظروف مقفّلة مـن كـل صـوب وأنا حملـت مـن الهمـوم أنواعهـا وأشكالهـا
    يكفيني أني كل ما هبـت علـى صـدري هبـوب تحـنّ عينـي للجـنـوب وتلتـفـت بلحالـهـا
    والمشكلة أني كـل مـا حنّـت عيونـي للجنـوب تطـري لـي الريـم اللعـوب وسالفـة ترحالهـا
    وعز الله إني كل ما تطـري لـي الريـم اللعـوب حرمت أمد ايدي علـى حاجـة مـا أقـوى لهـا


  10. #10

    تاريخ التسجيل
    Dec 2014
    المشاركات
    236
    الجنس
    أنثى
    وظيفتي
    طالبة ثانوية
    هواياتي
    السباحة
    شعاري
    يختبىُ فيّ صَدري ثلآثه آشياءِ ، حُلم برّيء ، وَآمنيه بي

    افتراضي رد: أشعار حامد زيد

    افضل شعر قريته بحياتي

    الجمهرة
    إي بالله أخطو والخطا اللي جابهم عين الصواب مبطي وأنا أشوف الطمع يكشف زادهم وأستره
    مايملي عيون الحسود بهالزمن غير التراب ومن لايتوب من الخطا تحرم عليه المعذرة
    اللي من أولها خراب أكيد تاليها خراب والبندق اللي ماتثور بهدفها تذعره
    ودك ليا من جاتك الغلطة من الناس القراب الصاحب اللي ماكسبت محبته ماتخسره
    مشكلتي إني ماعرفت أحسب لصدتهم حساب قلطتهم صدري على ذكرى قصيد وحنجرة
    صوتٍ يصول منبره وخطاب مامثله خطاب والطيبة اللي زعزعت صوت الخطيب ومنبره
    مافي دمعٍ صوبوه أحبابي بوجهي وخاب ولا زرق حزني على غالي ولا فج أنحره
    كل الزهاب اللي معي ذكرى من أصحاب الزهاب واللي بقا لي من عذاب أشرس طريقي وأخطره
    لأني تجنبت الغرق, عديت من فوق السحاب لأن أكثر أصحابي ورق ماشفت للطيب ثمره
    والله ماحطيت بين الحقد والخوة حجاب حتى غدو ربعي يحدوني على الضيق أشكره
    البارحة ثارت علي أرقاب و آوتني أرقاب البارحة وياثقل دم البارح ويامحقره
    أثر المصايب ماتجيك إلا من الناس القراب وبهالزمن حتى الخوي اللي تثق فيه إحذره
    هٌب ياوجه الحسد وشلون جمعهم وغاب كيف السنين اللي عطتني بعثرتهم بعثره
    لابارك الله في رقيقٍ تزعله كلمة عتاب ولاجمع الله الرجال اللي تفرقهم مره
    الصاحب اللي مايجي من صحبته غير العذاب نذرٍ علي إن ماهجرني ولا أنا اللي بهجره
    من يفتح لفرقاي باب أفك له عشرين باب وإذا خويي مايقدر خوتي ما أقٌدره
    عودت نفسي كل ماشددت لليمه ركاب ماصدد وجهي عن طموح إلا لياجبت خبره
    إن روٌحو فأنا بريء منهم ليوم الحساب وإن جرٌحو قولو لهم ماحركو فيٌ شعره
    شفهم لهم حول السنة ولا خذو مني جواب أحسن دوا للي يحاول يستفزك تحقره
    ماكنت أحاتيهم صغير, عاد أحاتيهم شباب الصاحب اللي مأذخره لليوم الأسود ما أذخره
    شفني جمٌعت أوراقهم بكتاب وأغلقت الكتاب ياوقت لم اللي تلمه وأنثر اللي تنثره
    اللي يخاف من الظما يترك لنا طرد السراب واللي ماهو بقد الظلام و وحشته لايسهره
    عقب إكتئاب البارحة ماعاد أنا حمل إكتئاب الطيب جرجرني وأنا ماني بناقص جرجره
    أنا تجرعت الظما لين إحترق وجهي وذاب أنا كسرت بخاطري قبل الصداقة تكسره
    أنا خسرت اللي غيابه غير عن كل الغياب أنا غفرت لعالم ماتستحق المغفرة
    أنا أكثر إنسان تعلم من كثر ما أخطا وصاب أنا آخر لسان يتكلم في زمان الثرثرة
    أنا القصيد اللي فزع من دفتره مليون ناب وأنا الوحيد اللي جمع مليون ناب بدفتره
    جفني وجرٌحه السهر وحيلي هدته الصعاب دمعي هدر, ضحكي ندر, عمري وضيعت أكثره
    شيٌبت بعقول العرب, هيبت روسٍ ماتهاب جمخرة ناسٍ عمرهم مايعرفون الجمهره
    ماصرت ذيب إلا لأن اللي تحدوني ذياب ماكنت أغيب إلا لأن العفو عند المقدرة
    ترا حلاتك لاحملت لصاحبك كلمة عتاب إن مانطقت بها بوجهه, ماتذمه بظهره
    بهالزمن مايملي عيون الحسود إلا التراب ولا الحظيظ الطلقة اللي ما تصيبه تذعره
    ودك اليامن جاتك الغلطة من الناس القراب الصاحب اللي ماكسبت محبته ماتخسره


 

 
صفحة 1 من 6 123 ... الأخيرةالأخيرة

المواضيع المتشابهه

  1. أشعار
    بواسطة ღ~ஓالشاعرة الطموحةღ~ஓ في المنتدى نبض الشعر والخواطر
    مشاركات: 5
    آخر مشاركة: 30-06-2015, 14:34
  2. كتاب اشهى الحلويات - السيده بو حامد
    بواسطة Abdouç في المنتدى مائدة طموحنا
    مشاركات: 0
    آخر مشاركة: 03-04-2014, 01:50
  3. ابو حامد الغزالي
    بواسطة الافق الجميل في المنتدى العلوم الاجتماعية والانسانية
    مشاركات: 0
    آخر مشاركة: 29-01-2012, 19:33
  4. الفكر السياسي لأبو حامد الغزالي
    بواسطة الافق الجميل في المنتدى العلوم السياسية
    مشاركات: 1
    آخر مشاركة: 05-09-2011, 22:57

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •