أهلا وسهلا بك إلى منتديات طموحنا.



قصة قصيرة مضحكة

قصة مضحكة جدا كان يا ما كان في قديم الزمان، ملك عنده ثلاث بنات . حب في يوم من الايام انه يختبر حبهم اله. جاب الكبيرة وقالها : يابا يا



قصة قصيرة مضحكة


النتائج 1 إلى 5 من 5
  1. #1

    تاريخ التسجيل
    May 2014
    العمر
    18
    المشاركات
    2,570
    الجنس
    أنثى
    هواياتي
    قِرًآءة القرآن
    شعاري
    الدنيآ سآعًة اجعلهآ في طآعة

    نجم قصة قصيرة مضحكة

     
    قصة قصيرة مضحكة %D9%82%D8%B5%D8%A9_%


    قصة مضحكة جدا


    كان يا ما كان في قديم الزمان، ملك عنده ثلاث بنات .
    حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك .
    البنت من غير تفكير : بحبك قد ما السمك بحب البحر .
    الملك فكر وقال في باله : ايهو السمك بقدر يعيش بدون بحر .
    هاي البنت بتحبني كتير . وقال الها : انا كنت عارف انك بتحبيني بس مش لهدرجة وقام اعطاها قصر كبير ومجوهرات .
    جاب البنت التانية وسألها نفس السؤال . فقالتله : بحبك قد ما الطير بحب السما انبسط الزلمة وكيف . واعطاها قصر جنب اختها ومجوهرات .

    بعدين جاب البنت الصغيرة ( اخر العنقود اللي بموت فيها ) وسألها نفس السؤال .قامت جاوبته : بحبك قد ما الدقة ( يعني زعتر ) بتحب الشطة .الزلمة زعل وعصب وقام لفحها كف. ومسكها من شعرها وزتها برة القصر.وما رضي يسمع منها ولا نص كلمة .
    البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .

    ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين .

    ولا هم هون . طب الحرس . فص ملح وداب ؟؟؟ . ضل الملك يمشي ويمشي لغاية ما لقي هالكوخ لصغير . قال بفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة . مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟ واضحة بنت الملك الصغيرة .

    بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟

    وفجأة اتذكر بنته الصغيرة وصار يعيط . قاله الزلمة :. شو مالك يا زلمة انت العاقل . كل هاد مشان شوية دقة ( زعتر يا جماعة ) هسة الجاج بخلص. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك ؟

    وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد , واعطاها قصرين ومجوهرات

    rwm rwdvm lqp;m

    2 من الأعضاء مٌعجبين بهذه المشاركة: KaO_oUtHaR,LàmMìã

  2. # ADS
    Circuit advertisement
    تاريخ التسجيل
    Always
    العمر
    2010
    المشاركات
    Many
     

  3. #2
    ♥•- مشرفة سابقة -•♥
    تاريخ التسجيل
    Nov 2013
    المشاركات
    3,126
    الجنس
    أنثى
    وظيفتي
    طالبة
    هواياتي
    السياحة
    شعاري
    حلمي السامي

    افتراضي رد: قصة قصيرة مضحكة

    شكرا

  4. #3
    ♥•- مشرفة سابقة -•♥
    تاريخ التسجيل
    Jan 2014
    العمر
    18
    المشاركات
    1,339
    الجنس
    أنثى
    وظيفتي
    طالبة
    هواياتي
    المطالعة , العزف على الكمان وركوب الخيل
    شعاري
    لا اله الا الله وان محمدا رسول الله

    افتراضي رد: قصة قصيرة مضحكة


  5. #4

    تاريخ التسجيل
    Mar 2013
    المشاركات
    3,346
    الجنس
    أنثى
    وظيفتي
    طالبة
    هواياتي
    المطالعة
    شعاري
    (اذأ-رأيت-شخص يشبهنے-بشےء فأعلم-أنك-تحلم

    افتراضي رد: قصة قصيرة مضحكة

    mrc

  6. #5

    تاريخ التسجيل
    May 2014
    العمر
    19
    المشاركات
    477
    الجنس
    أنثى
    وظيفتي
    studying & studying ...
    هواياتي
    cooking & sciences
    شعاري
    Don'tcry because it is over:) smile because it happened

    افتراضي رد: قصة قصيرة مضحكة




 

 

المواضيع المتشابهه

  1. نكت مضحكة جدا جدا قصيرة تموت من الضحك
    بواسطة nadia nadia في المنتدى النكت و الالغاز
    مشاركات: 5
    آخر مشاركة: 13-06-2014, 14:37
  2. قصص قصيرة
    بواسطة اطياف راحلة في المنتدى القصص و الروايات
    مشاركات: 0
    آخر مشاركة: 13-05-2014, 17:16
  3. قصص و عبر قصيرة
    بواسطة الفكر الطَموح في المنتدى قسم المواضيع العامة
    مشاركات: 10
    آخر مشاركة: 26-04-2014, 11:36
  4. قصص قصيرة ذات عبر............
    بواسطة J'aime la réalité في المنتدى القصص و الروايات
    مشاركات: 4
    آخر مشاركة: 16-04-2014, 15:04

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •