سم الله الرحمان الرحيم

اللهم صل وسلم وبارك على سيدنا محمد عليه افضل الصلاة والسلام اما بعد

المخبز من الحلويات الجزائرية التقليدية نعملوها في الاعراس وكل المناسبات السعيدة لكن بزاااف من الاخوات ماينجحوش في تحضيريه يجيهم يابس وحتى الطلية تبس بالخف

اليوم باذن الله نحطلكم الوصفة بالخطوات المصورة ومع كل اسرار المخبز حتى يجيكم معسل من الداخل وحتى الطلية تبقى طرية

اذن لنجاح المخبز يجب التقيد بمايلي

1ـ اللوز المستعمل نرحيوه رقيق يعني نفوتوه في السيار لازم يكون رقيق
2ـ نستعمل الزاست نتاع القارص الاصفر لانستعمل الاخضر لان اذا نكثرو منو يعطينا ذوق مر
3ـ الشائع ان اللوز نجمعوه مع السكر بالبيض يعني يستعمل بيضة كاملة وهذا لي يخليه يابس لازم نستعمل 2صفار بيض وبيضة كاملة حتى نلم اللوز لان صفار البيض هو لي يخلي المخبز طري من الداخل
4ـ بعد مانلم اللوز والسكر بالبيض لازم نتحصل على عجينة متماسكة مالازمش تكون طرية لانها اذا كانت طرية كي نطيبو المخبز ماراحش يحافظ على شكله
5ـ كي نحضر عجينة اللوز نعجنها شوية حتى يذوب السكر فيها
6ـ لازم نخلي عجينة اللوز لي حضرناه ترتاح على الاقل3 ساعات ومن الاحسن ليلة كاملة حتى يذوب السكر فيها وتجي معسلة من الداخل
7ـ درجة حرارة الفرن مهمة جدا لازم نطيبوه على150درجة انا شخصيا نديرو يطيب بلا مانسخن الفرن لان كي نسخن الفرن ونحطوه راح يحمار بسرعة مالازمش يحمار لازم يبقى ابيض لان مافيهش فرينة قيس مايطيب البيض فقط
8ـالمخبز نعملوه بالسكر الاحرش لان اذا عملنا السكر الرطب راح يبس لان فيه كمية من النشاء

الان نبدأ في تحضير المخبز بالخطوات المصورة

المقادير:
3كيلات لوز ابيض مرحي رقيق
كيلة ناقصة زوج اصابع سكر احرش
زاست قارص كل 500غ لوز نعملها م ك من الزاست تكون مملؤة جيدا
2صفار +بيضة كاملة حتى نلم اللوز والسكر
فاني

الطريقة:
نحط اللوز+السكر+الفانيالزاست هنا ما لقيتش القارص الاصفر عملت خليط من الزاست اخضر واصفر لكن كيما خبرتكم من الاحسن تستعملو الاصفر




لكل المناسبات السعيدة المخبز بكل اسراره بالخطوات المصورة 701.jpg


نصيف صفار 2بيضة مع بيضة كاملة وهكذا حتى نتحصل على عجينة متماسكة

لكل المناسبات السعيدة المخبز بكل اسراره بالخطوات المصورة 702.jpg

نعجنها شوية حتى يذوب السكر ونحطها داخل كيس ترتاح على الاقل 3ساعات ومن الاحسن ليلة كاملة حتى يذوب السكر


لكل المناسبات السعيدة المخبز بكل اسراره بالخطوات المصورة 703.jpg


بعد ماترتاح عجينة اللوز نبدأ في تشكيل المخبز

نرش طاولة العمل بالفرينة


لكل المناسبات السعيدة المخبز بكل اسراره بالخطوات المصورة 704.jpg


نبسط العجينة بسمك مرتفع مالازمش نرقوها بزاف انا عملتها بسمك2 ونصف سم



بواسطة قطاعات نشكل اي شكل نحبوه انا عملت شكل قلب

://لكل المناسبات السعيدة المخبز بكل اسراره بالخطوات المصورة 705.jpg

نحط في بلاطو عليه ورق الزبدة

http://لكل المناسبات السعيدة المخبز بكل اسراره بالخطوات المصورة 706.jpg

ندخلوه يطيب على درجة150درجة لازم يبقى لونه ابيض هذي نقطة مهمة
شوفوه بعد ماطاب لونه ابيض وبقى محافظ على شكله


لكل المناسبات السعيدة المخبز بكل اسراره بالخطوات المصورة 707.jpg


نخليه في البلاطو حتى يبرد تماما

الان نحضر الطلية

الطلية:

كاين بزاااف اخوات يشكو من الطلية خخخخ بمعنى كي يعملوها ماتبقاش طرية بمرور الايام
اليوم جبتلكم طلية تبقى طرية لمدة طويلة

والسر في ان الطلية تبقى طرية هو كمية بياض البيض بدل مانعمل بياض بيضة نعمل نصف بياض بيضة
ونزيد نقولكم ان الطلية جامي نعملها بالباتور او الفووي لان راح يعملونا فقاعات هوائية في الطلية نستعمل فقط اليدلكل المناسبات السعيدة المخبز بكل اسراره بالخطوات المصورة 858.gif

اذن نحتاج الى
كيس سكر رطب بحجم 700غ من النوع الممتاز انا استعملت المرجان
نصف بياض بيضة
ماء زهر
عصير ليمون
ملون اختياري

الطريقة:

في اناء نحط السكر لي نكونو غربلناه قبل


لكل المناسبات السعيدة المخبز بكل اسراره بالخطوات المصورة 708.jpg


نضيف ماء الزهر للسكر حتى نتحصل على عجينة نعجنها شوية حتى تجي الطلية ملساء


لكل المناسبات السعيدة المخبز بكل اسراره بالخطوات المصورة 709.jpg


نضيف نصف بياض بيضة


لكل المناسبات السعيدة المخبز بكل اسراره بالخطوات المصورة 710.jpg



نخلط باليد ونضيف عصير الليمون تدريجيا
هنا كيما راكم تلاحظو الطلية عاملة خط غير متقطع معناه انها مازالت ثقيلة نزيدولها شوية عصير ليمون لازم يكون الخط متقطع ولي ماهيش مالفة تعملها تجرب على حبة اذا ساحت الطلية تزيد شوية سكر رطب واذا ثقيلة بزاف تزيد شوية عصير ليمون


لكل المناسبات السعيدة المخبز بكل اسراره بالخطوات المصورة 711.jpg


الان نضيف الملون لي حبينا بالنسبة للملونات كاين نتاع الغبرة وكاين المستوردة تجي على شكل كريمة هايلة لكن سعرها باهض انا نفضل هذا النوع السائل هايل وسعره معقول احسن من الغبرة لانها تبقى في بعض الاحيان متكتلة


لكل المناسبات السعيدة المخبز بكل اسراره بالخطوات المصورة 712.jpg

بالنسبة للون على حسب الذوق والمناسبة انا اخترت هنا الازرق


لكل المناسبات السعيدة المخبز بكل اسراره بالخطوات المصورة 713.jpg

من الاحسن اللون يكون فاتح والورود لي نزينو بها تكون قاتمة نوعا ما

ممكن نعمل البنفسجي يجي هايل

لكل المناسبات السعيدة المخبز بكل اسراره بالخطوات المصورة 714.jpg


بعد مانحضر الطلية نغطيها ونخليها ترتاح حواي 10د راح نلاحظ ظهور فقاعات هوائية نتيجة الخلط لاحظو الفقاعات الهوائية من فوق

.
لكل المناسبات السعيدة المخبز بكل اسراره بالخطوات المصورة 715.jpgلكل المناسبات السعيدة المخبز بكل اسراره بالخطوات المصورة 716.jpg
زوووووووملكل المناسبات السعيدة المخبز بكل اسراره بالخطوات المصورة 858.gifلكل المناسبات السعيدة المخبز بكل اسراره بالخطوات المصورة 858.gif


لكل المناسبات السعيدة المخبز بكل اسراره بالخطوات المصورة 717.jpg


وهنا حطيناه مع بقية الحلويات لي عملنا في نفاس اختي


.
لكل المناسبات السعيدة المخبز بكل اسراره بالخطوات المصورة 718.jpg

تم بحمد الله
ان شاء الله يكون الشرح وافي وكافي ولا تنسوني غالياتي من صالح الدعاء

في امان الله

g;g hglkhsfhj hgsud]m hglof. f;g hsvhvi fhgo',hj hglw,vm