تعلمت أخسر البسمه وأداري عضة شفاتي





أنا إنسان مع نفسي قبل لا أكـون معـك إنسـان


لـي مبـدأ ولـي نظـرة تحكمنـي قناعـاتـي






أحاسيسـي حقيقـة ثابتـة بالوصـل والهجـران

أنـا طبعـي إذا حبيـت .. أحـب بكـل حالاتـي





منـادي والنـدا نابـع مـن الوجـدان للوجـدان

إذا ما ينطق إحساسـي حديثـي يشبـه سكاتـي





غموضي في الهوا تصريح وسره يفضح الكتمـان


ونظرات الولـه والوجـد هـي أجمـل عباراتـي





ولا اجامل باحاسيسي ولا اقبل في الهوى احسـان


ولا للمصلحـه يــا سـيـدي دور بعلاقـاتـي





ولو ألغي شعوري ما بقى لي صاحـب ولا خـلاّن


يرافقني علـى مـر الزمـن جرحـي ودمعاتـي





أحب الصدق واعمل به كسبت أو كنت أنا الخسران


ولـو صدقـي يخسّرنـي تشرّفنـي خسـاراتـي





رفيق العمر لو تجفا نبـض الحـرف والشريـان

إذا ما غصت باعماقي .. متـى تفهـم معاناتـي





على كثر الخطا غافر ولا اغفـر غلطـة الخـوّان


جـزاه الصـدّ والفرقـا ولـو عانـدت رغباتـي





ولولا العفو ما اخطينـا ولا نحيـا بـلا غفـران


خطايانـا دليـل إنّـا بشـر ومنّـا الخطـا ذاتـي





على صدر الزمن بكتب شعوري موعـد وعنـوان

تعرف الشوق لو فتّشـت عـن سـر ابتساماتـي





اذا كان الهـوى نعمـة بحطّـك نعمـة الرحمـن


واذا كان الهـوى غلطـة بحطّـك كـل غلطاتـي


juglj hk hosv fslm