أهلا وسهلا بك إلى منتديات طموحنا.



إنسجام الأقلامبالشعر الملحون (الشعبي)

يا فاعل الخير، وعد تلقـــاه ......يوم لحساب بالعين تشوفو ويا فاعل الشر بلاك تنساه ......بلسان لحياة تقرا حروفـــو الشر بالشر، شر مثنـــــاه ......والخير بالخير تترص صفوفو والايمان بالله نور يعلاه



إنسجام الأقلامبالشعر الملحون (الشعبي)


النتائج 1 إلى 2 من 2
  1. #1

    تاريخ التسجيل
    Oct 2013
    المشاركات
    484
    الجنس
    أنثى
    وظيفتي
    كتابة شعر
    شعاري
    اللهم أني اسألك إيمانآ دائمآ ,وأسألك قلبآ خاشعآ, واس

    افتراضي إنسجام الأقلام بالشعر الملحون (الشعبي)

     
    يا فاعل الخير، وعد تلقـــاه ......يوم لحساب بالعين تشوفو
    ويا فاعل الشر بلاك تنساه ......بلسان لحياة تقرا حروفـــو
    الشر بالشر، شر مثنـــــاه ......والخير بالخير تترص صفوفو

    والايمان بالله نور يعلاه ....يوم القيامة بيه تعرفو
    لا جاه ولامال يدوم لمولاه....غير الصّحة بالدعا يرفع كفوفو
    وهاذ العوم ماني موالفاه....غير التّيار يجبدني مجدافو
    نطلب من الله العالي في سماه....يرفع شان كاتب حروفو

    العاقل يشكر الي خلقو او رباه.......او عمرو ما يطغى با كتافو
    في الخير و الضيق يحمد الله......يحذر من الشيطان و ازعافو
    يرضى بالمكتوب ما يقول و اعلاه......من غير الله ما كان شي اخافو
    هذا هو المومن قولو لي و ين راه.....من اهل الجنة باينة اوصافو
    ما شي كل من يسب يماه او باباه.......و بدراهم الحرام على الكعبة طافو
    اعوذ بالله من المنافق ما كلاه.......ما نحب عشرتو و لا معروفو
    يا رب قلبي مريض و انت دواه......النبي حبيبنا عز من شافو


    ياسامع القول ،هاذالنّظم محلاه....وفي بحور الشّعر أجمعت صدافو
    كلام الخير على الخير زكّاه..........وقلامنا في الحقّ صارت سيوفو
    ياغافل اسمع النّصح وعلاه..........سلّمت للشّيطان وقبلت بأعرافو
    لحلال بيّن ولحرام مكواه.............بلاك يهفّك بهفوفو
    هذا قولي،وعندي طلبة لمول الجاه......يغفرلي ومن الكوثر نغرف مغرافو
    وفي الجنّة نلقى لحباب وآآآآآآآه...........ونقطف من كل ثمرة قطوفو

    ويا حاسد الناس ما تترجاه؟!...قسَّام لرزاق لازم تخافو
    يعطيك مالخير ما تتمناه...حالك الصعيب يصير لخلافو
    والقناعة كنز مغطي بغطاه...الفرح تذوقو بكل صنافو
    بالكرم والجود تتقرب لله...يا سعد البيت يضيق بضيافو


    واللي فات قديموتاه ..... عايش وحداني بلا وليفو
    والحارث في غيرارضه مغباه .... حسب حساب ومنو شاطلوصرفو
    ولمكسي بكسا الناس ماعراه .... . ولوكان يلفوه بحريرهم وصوفو
    والداق على ببان الغيريامخسرمسعاه ..... من غيرالله يندل ويطيح نيفو
    وكل طيريلغابلغاه...... لعذب منو في القلب يرفرف هتافو
    احرص على الموت وجري وراه ..... تصيب مال قارون بصح عندك تسرف اسرافو
    الكيّس اللّي دان نفسه ولجم هواه.....وتحرّى عن اللّقمة قبل ماتوصل جوفو
    والمومن يلومها عقب اللّيل وظلاه ................ويقطع طول الرّجا وتسويفو
    مايعلم الغيب غير الله ................كون في طاعتو واستنّى تصريفو
    وصل الدّم .....ومن ولاه ..........قبل ماتتوسّد الثرى واتّتلحّف بلحافو
    ياقاري ذالقصيد طيباني بداه......وخلاّنا بين مفعول وفاعل وتصريفو
    ينظر من تحت لاعلاه............ويتبسّم على زين لكلام وتحريفو
    ياسيدي ولخضر واتاه .........غير لمحة نبقاوا ولاّ ننصرفوا ؟؟؟؟؟
    واذا حاب معلّقات في الدزاّير وهواه......في صدر الشّروق نكتبو وأكنافو


    الرجل في هذي الدين تاه.....واحد ما يذكر اليوم معروفو
    خافوا من عدلوا قالوا شاه.....الف كذبة لصقوها باوصافو
    سجنوه عذبوه قطعولو الشفاه ......غاروا منو كسرولوا اكتافوا
    انصاف رجال حساد جحاد الله.....اتشبهوا بالنسوان او راحو يخطفو
    وقفوا على المنبر مال او جاه.....لو كان الحق كاين عليه ما يوقفو



    الدنيا هكذا ديما انقول و اعلاه.....كلام الصواب نكرولو حروفو....

    قدام الناس تاقي مولاه...و سواد قلبو ربي اللي شافو
    طبيب تتعافى المرضى بـ دواه...والأمراض الكل ساكنة جوافو
    مكَّار حقَّار والكل يخشاه ...وإذا طاح الليل يخاف من طيافو

    المومن الحقّ دينه جمر بلظاه .....صابر عليه ولوكان يقطّعوا أطرافو
    ما يقول ياربّي (متى)و(علاه)......محتسب ومتيقّن في تصريفو
    هو مايبان في النّهار وضياه .......وفي الصّلاة الأولى صفوفو
    قانع برزقو ،خبز وماه ...............ويقول :ياربّي لك الحمد ،ويتصدّق بحريّفو
    واذا طاح اللّيل والنّوم جفاه.......يتقلّب ويناجيه يشّملو بلطفو
    هومالومكان يغشاه ..............ومايجري ورا الّدنيا ،والحسد مايعّرفو
    يقوم اللّيل ولا حد يراه ..........والنّعيم عايش على طرايفو
    عزيز النّفس تحسبو شاه......مايسأل حدّ الحافو
    يتبع الّدين الصّحيح وفحواه....مايتشدّق بالقرآن ويتغلّف بغلافو
    اذا قال الرّسول صلّى عليه .....واتّبع النّصح بلا تصوافو
    ودعا لله وقال:هذا دين وسط وتاه....من يتعصّب فيه ويطرّفوا
    يوم الحشر نور وراه ..........والمجرم يتّعجّب فوصايفو
    يقول:هذا ماكنت نرضى نمشي معاه.....كان فقير،معدوم النّاس تعطفو
    اليوم صار يبان بعلاه ....والكلّ من نورو تستعطفو
    فرحان بما أتاه الله ......واذا لكتب اتّطايرت بأيمانو صحفو
    والنّدم قتل مولاه .....يقول :يارتني كنت بجنبو ولاّ خلفو

    Yks[hl hgHrghl fhgauv hglgp,k (hgaufd)

    الأعضاء المٌعجبين بهذه المشاركة: manal montana
    التعديل الأخير تم بواسطة manal montana ; 27-01-2014 الساعة 19:31

  2. #2
    ♥•- مشرفة سابقة -•♥
    تاريخ التسجيل
    Jun 2013
    العمر
    17
    المشاركات
    4,761
    الجنس
    أنثى
    وظيفتي
    طالبة
    هواياتي
    كتابة الشعر و الخواطر والروايات والمطالعة
    شعاري
    حياتها امل فان تلاشى يوما فكبرو عليها اربعا

    افتراضي رد: إنسجام الأقلام بالشعر الملحون (الشعبي)

    يرضى بالمكتوب ما يقول و اعلاه......من غير الله ما كان شي اخافو
    هذا هو المومن قولو لي و ين راه.....من اهل الجنة باينة اوصافو
    4444444444
    مشكووووووووررةةةةةةةةةةةة ةةةة
    الأعضاء المٌعجبين بهذه المشاركة: manal montana

 

 

المواضيع المتشابهه

  1. يقولوا ( دوام الحال من المحال) بالشعر الملحون (الشعبي)
    بواسطة manal montana في المنتدى نبض الشعر والخواطر
    مشاركات: 2
    آخر مشاركة: 27-01-2014, 16:39
  2. من روائع الشعر الملحون "شاب الراس"
    بواسطة أشواق محمد في المنتدى السياحة في الجزائر
    مشاركات: 2
    آخر مشاركة: 30-09-2013, 16:19
  3. الجيش الوطني الشعبي
    بواسطة keynes-dz في المنتدى قسم المواضيع العامة
    مشاركات: 1
    آخر مشاركة: 29-07-2012, 16:29
  4. الجيش الشعبي الوطني
    بواسطة حبيبة الرحمان في المنتدى علوم و ثقافة عامة
    مشاركات: 2
    آخر مشاركة: 28-05-2012, 10:48

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •