أهلا وسهلا بك إلى منتديات طموحنا.



الحمد لله على كل حـــــــــــــــــــال

اعجبتني هذه القصيدة الشعبية واحببت ان اشارككم اعجابي الحمد لله على كل حـــــــــــــــــــال..............مولانا العظيم بعبادو عالم والصلاة عليه كريم الخصــــــــــال .............قرة عيني أحمد زين الخاتم يربح من صلى عليه غدوة



الحمد لله على كل حـــــــــــــــــــال


النتائج 1 إلى 2 من 2
  1. #1

    تاريخ التسجيل
    Mar 2013
    العمر
    22
    المشاركات
    306
    الجنس
    أنثى
    وظيفتي
    ادرس حاليا
    هواياتي
    الرسم والاشغال اليدوية كتابة الخواطر
    شعاري
    اعمل لدنياك كانك تعيش ابدا واعمل الاخرتك كانك تموت غدا

    افتراضي الحمد لله على كل حـــــــــــــــــــال

     
    اعجبتني هذه القصيدة الشعبية واحببت ان اشارككم اعجابي
    الحمد لله على كل حـــــــــــــــــــال...... ........مولانا العظيم بعبادو عالم

    والصلاة عليه كريم الخصــــــــــال .............قرة عيني أحمد زين الخاتم
    يربح من صلى عليه غدوة وينـــال..........جنات معروشات بفراش وخدم
    يا سامعني راه ضري زاد وطـــــال .........محنة هذا الجيل ما قدرت ننجم
    غاب الحق وما اصبح في الدنيا فال..........وكثرت لهوال ياربي ترحم
    اليوم الجفـــاف والبارح زلـــــــزال..........وقبلو فيضان يردم ويهدم
    ظهرت موبقات وأمراض شحـــــال..........والدينا لولين ماكانت فيهم
    الرشوة ولات في القضيان حــــلال............صوالحك يتقضاوا تدفعهم لازم
    صار اليوم حديثنا للا قيل وقــــــال............هذا يغتب ذاك في جاروا يشتم
    العلم تودر ضاع مابين الجهـــــــال............ماتلقا شي في الميا واحد عالم
    وما بقى في شبابنا حتى أمــــــــال...........وعينك ميزانك على قولي احكم
    ما تفرز كريـــــم ذا ولا نـــــــــوال............وما تحصي نورة ذي ولا سالم
    في الشارع يمشوا الكل لابس سروال.........هذا داير سنسلة ذا متختم
    لاحشمـــــــة بيناتهم لا حيا مازال.............وقيلا مابقالنا على ما نحشم
    في الساحات مجمعين على كل حوال..........تحشم يذا كنت ماشي بحذاهم
    ما تجبرش حديثهم ينفع بحــــــــــال ..........غير حديث نسا والفاهم يفهم
    وشتى طيبتي اليــــــوم وشتى مازال.....قولي وشتى درتي لشعرك يا مريم
    شعري هذي مدة شحال داويتو بالجال.....عمرو مارجع بحال شعرك الناعم
    قوليلي مين جاك كل هذا الجمــــــا ل........دليني على كاش حيلة أو مرهم
    يمشوا متقرنين يحكوا بالجــــــــــوا.........هذا يكذب ذيك منو تتعلم
    يامكذب أرواح هذي مشي أقـــــــوال.........للجامعة زور ثمة تلقاهم
    الشباب اليوم ضاع مع المـــــــــودال .......ولا يشوف التقليد هذا تقدم
    جميلة وتحب ينادوها فريــــــــــــــال..........و تزعف يلاغلطولها في الاسم
    الصاك معمر بحوايج الجمـــــــــــــا..........مر ايا وعطور ومعاهم قلم
    حفافة ظنيت باه تقرا محـــــــــــــــال.........م يشقاش نزيد الخافي أعظم
    حتى بدرالدين بدل اسمو قـــــــــــــال..........بادى يا محلاه ما يتعبش الفم
    في شعرو تلقاه يصنع في تخبـــــــال........مع المرايا ساعات وافق ويسقم
    ع اللبسة ما يشقاش نجيبو مثـــــــا........ولات المودة في حوايجنا تحكم
    ما يقرا دروس ما يخدم اعمــــــــــال..........معوق المخلوق عاطيها للحلم
    يحلم باللوطو السكنة والمـــــــــــــال ..........في لحظة ياريت هذو يملكهم



    شبيبتنا ذي الحقيقة تنقـــــــــــــــــال ...........حقيقة ملة منها نتألم
    التحضر عندنا كلمات قــــــــــــــــلال .............رومية في كل وقت نرددهم
    تحضر مذموم هذا يارجــــــــــــــــال...... .........هذايا تقليد أعمى للعجم
    الحضارة علم صالح بيه تنـــــــــــال .............أعلى الدرجات وبيه تحترم
    الحضارة آداب تورثها أجيــــــــــــال............ال حضارة أخلاق زينة تهديهم
    الحضارة علم يا اللي راك تســـــــال............الحضارة فكر للعلم يقوم
    افطن يا شباب افطن راح الحــــــــا..........افطن عيب عليك بركة ما تحلم
    هذي هي نصيحتي على كل حـــــــا...........الحاذق من الناس ليها يتفهم
    قاصد بكلامي الناس العقـــــــــــــــال........ .....الناس المثقفة واللي تفهم
    رايد بيه الله مولانا تعــــــــــــــــــــال.. ..........فايدة للشباب منها نتعلم
    ياربي تحفظ ناظم ذو لمثــــــــــــــــال........ ......ومع الوالدين ياربي ترحم
    منصور البــــــــــرني وصحابو والآل .........في جنة رضوان ربي تجمعهم


    hgpl] ggi ugn ;g pJJJJJJJJJJJJJJJJJJJhg


  2. #2

    تاريخ التسجيل
    Feb 2013
    المشاركات
    4,095
    الجنس
    أنثى
    وظيفتي
    نــخدمْ كُلْشٍي p: !!
    هواياتي
    الــمُــوسيقَى ../.. الـــكتــَـابــَـة
    شعاري
    LOVE YOUR life YOU LIVE

    افتراضي رد: الحمد لله على كل حـــــــــــــــــــال

    شكراااااااا
    و الحمد لله

 

 

المواضيع المتشابهه

  1. الحمد لله على نعمه الحمد لله
    بواسطة ღ princesse ikrameღ في المنتدى مكتبة الصوتيات و الفيديو
    مشاركات: 2
    آخر مشاركة: 13-05-2016, 12:56
  2. فقط قل الحمد لله
    بواسطة ~حنين الروح~ في المنتدى قسم المواضيع العامة
    مشاركات: 3
    آخر مشاركة: 30-06-2014, 17:15
  3. على كل حال قل الحمد لله
    بواسطة طالبة الجنان في المنتدى القصص و الروايات
    مشاركات: 16
    آخر مشاركة: 15-06-2014, 15:57
  4. الحمد لله يا رب
    بواسطة * Lª Flèur Dè Pâpähª* في المنتدى منتدى كل الرياضات
    مشاركات: 15
    آخر مشاركة: 25-12-2013, 16:25
  5. الحمد لله ،
    بواسطة La Patronne في المنتدى قسم المواضيع العامة
    مشاركات: 3
    آخر مشاركة: 22-02-2013, 12:06

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •