أهلا وسهلا بك إلى منتديات طموحنا.



كدبة افريل

السلام عليكم كيف حالكم اطل عليكم احبتي في الله بطرح جديد قابل للنقاش كذبة افريل ؟؟؟ كعنوان موضوعي المصمم من حروفي اليوم الفاتح من افريل و هذا اليوم معروف لدى



كدبة افريل


النتائج 1 إلى 9 من 9
  1. #1

    افتراضي كدبة افريل

     
    السلام عليكم
    كيف حالكم
    اطل عليكم احبتي في الله بطرح جديد قابل للنقاش كذبة افريل ؟؟؟ كعنوان موضوعي المصمم من حروفي
    اليوم الفاتح من افريل و هذا اليوم معروف لدى الغرب بpoisson d'avril بمعنى كذبة افريل
    في هدا اليوم جرت مع امي حادثة تخص المصطلح ساتحدث عنها قليلا لكن قبلها ساتحدث عن شيئا اخر قبل يومين من هدا اليوم ذهبنا عند جدتي ام ابي لنزورها صلة الرحم و هي واجبة تسكن مع عائلة كبيرة فيها ابناءها ..بناتها .. احفادها وحتى احفاد احفادها في منطقة اخرى غير التي نعيش فيها ..صنعنا احاديث كثيرا الزواج الحج العائلة و غيرها و قدمنا للبيت في المساء
    في يوم الحالى (1/4/2011)
    استيقض امي على 8.30 غسلت وجها و يداها ..دخلت المطبخ لتحضر القهوة و نحن مازالنا نائمين في الطابق العلوي من البيت
    رن الهاتف و امي تشرب قهوتها فقالت في نفسها من الذي يتصل الان في هدا الصباح الساعة حينها كانت 9.00
    صعدت لترى من المتصل فوجدتها اختها
    *الو oui
    *واه صباح الخير
    *خير واش راك
    *لباس الحمد لله مازلتي راقدة؟
    *لالا راني نشرب فلقهوة برك
    *خيتي هدي الغلبة ( المصيبة )اللي درتيها واش هي؟؟



    *غير الخير واش درت
    *عجوزتك من صباح راها عندي غير تبكي و تدعي عليك تاع الصح
    *عجوزتي ؟؟ واش درت انا مادرتلها والو
    *قالت راها فلجتلي(بعثرت) خيمتي (بيتها)
    *انا؟ لالا والله مادرت حاجة
    *شوفي تكاكاي مليح كاش ما قلتي كي روحتي عندها راها غير تدعي و تصحصح عليك واش درتي
    ترغرغت عيناها بالدموع
    *انا مادرت والو و ماقلت والو كنا نضحكو و مجمعين في مواضيع عامة مافيها والو
    *المهم راهي جاية طريق عندك دك توصل جايبتها تقود فيها بنت ولدها محمد دك يجيو و فهمي واش كاين ختي انا نخليك عندي شغل
    *صح دك نشوف و نتيليفونيلك
    *صح
    و اغلقت السماعة و هي قلقة جدا عيناها تدمعان و كأن والدتها توفيت و تردد لوحدها لم افعل شيئا و كانت تتذككر كل الكلام الدي دار هناك عندما و لم تجد شيئا تحاسب عليه
    ايقضتني
    *سمية نوضي نوضي
    *صباح الخير لولا واش كاين صباح ربي مالكي تزقي لوحدك
    * جداك جايا تبكي قالت فلجتي خيمتي
    *واش ما بركانا من زعافة صباح الله
    *قلتلك نوضي حاجة غادي تصرا اليوم
    * مكان والو العجايز قاع هكدا
    و انتهى الحديث افقت من نومي و بدات ارتب البيت و امي عند الباب و بتفكيرها تصنع جبلا و تهده
    جاء زوجها (ابي) و اخبرته عما يجري وبقي عند الباب ينتظر امه ليفهم القصة مكثوا نصف ساعة امام البيت ينتظرون لا جديد رغم ان خالتي لا تبعد بيننا مسافة كبيرة قرر زوجها اخراج السيارة و الذهاب عندها في البيت قالت له ساذهب معك قلبي لا يريحني لكن ساتصل باختي اولا
    واتصلت بها مجددا
    *الو
    *واه واش كاين
    *ماجاتشس رانا نسناو فيها و طلت راها جحاية في طيارة كون وصلت
    *طاحت فطريق راها في المستشفى
    *كيفاش بصح ؟؟ وين ؟ قاع هكدا ؟؟؟ صح دك نروحولها
    و انتهى الاتصال و نفسيتي قانطة و الارتجاف في جميع مفاصلي
    اخبرت زوجي فتنوى على امه و دار الحوار بيننا
    *بصح واش كاين ما قلتي والو انا كنت مجمع حداك في نفس البلاصة
    *راك تشوف ربي يجيب الخير
    *ودك طاحت وين و فيها القلب و السكر و الضغط واش صرى فيها
    (حتى زوجي و شكك في)
    بلاك كاش ما قلتي



    *je suis surماقلت والووووووووووووو
    و بدات بالبكاء
    حتى بالهاتف يرن و قلت مادا هناك ايضا
    رددت على الهاتف و صوتها متبدل
    *الو واش كاين تاني
    *اختي
    *واه
    *كنت نكذب برك اليوم كذبة افريل (و خرجت ضحكات منها و كانها في فيلم كوميدي)
    *واش كذبة poisson d'avril!!!!! بصح
    *واه كذبت قاع عليهم هكدا حتى امنا و ولدي و راجلي و البنت اللي غادي يجيبها ولدي فصيف و قاع
    *والله ما تحشمي ركبتيني الرعب
    *تصبحي بخير روحي ترقدي
    ضحكت و اقفلت السماعة و زوجها قال لها هده ليست كذبة تقولها لقد اخافتنا حقا
    نحن سمعنا الحديث فقال لها اخي الذي بعدي هل تخافين امه كل هدا ؟
    حينها اجابته لا و انما دعوة الكبار ليست بالامر السهل
    و هده قصة حدثت معها او بمعنى كذبة
    سؤالي ساطرحه هل هناك حقا يوما كهدا اليوم بمعنة ما قولكم فيها ؟هل تجربونها انتم على اشخاص اخرين ؟ هل حدثت معك؟؟ اروي لنا القصة ان وددت اكيد
    اخوتي اياكم و كدبة افريل هده .. احيانا نجد من الناس من يكذب يوميا يطرح قنابل ذخيرتها كدب في كذب ..
    ربما الذي ستكدب عليه لا توجد خرافة او كذبة عنده فيكون مصدقا كل قول يقوله له و ربما نفس الشخص هدا يقدم على فعل قد يندم عليه و ربما يحدث معه امر فيفقد صحته و ستكون انت النادم و ليس هو
    نحن لنا دين واحد جمعنا على الصدق و ليس الكذب
    تقبلو ا ما كتبت

    ;]fm htvdg


  2. #2

    تاريخ التسجيل
    Sep 2010
    المشاركات
    41,774
    الجنس
    ذكر
    وظيفتي
    موظف بقطاع التجارة
    هواياتي
    كرة القدم، الشطرنج، كتابة الخواطر، المطالعة
    شعاري
    كن جميلا ترى الوجود جميلا

    افتراضي رد: كدبة افريل

    ههههههههههههههههههه

    راااائعة بالفعل

    أظن انها عاشت فيلما دراميا صبيحة هذا اليوم

    فقط للاحتياط خذي والدتك للمشفى ربما هي تعاني من الضغط الان ههههههههههه

    الله يشدلكم فيها و يحفظها

  3. #3

    تاريخ التسجيل
    Sep 2010
    المشاركات
    41,774
    الجنس
    ذكر
    وظيفتي
    موظف بقطاع التجارة
    هواياتي
    كرة القدم، الشطرنج، كتابة الخواطر، المطالعة
    شعاري
    كن جميلا ترى الوجود جميلا

    افتراضي رد: كدبة افريل

    الحقيقة جربتها لكن بدعابات خفيفة و مشكلتي أني اضحك لما أحاول ذلك فيكتشف أمري مباشرة

    مهما صلنا و جلنا فقد حرمها العلماء لانها تتسبب سنويا في مرض الكثيرين و مقتل الكثيرين

    و من أراد فعل ذلك فليحاول ان لا يذهب بعيدا فالنتيجة قد تكون مؤلمة جدا

  4. #4
    ♥•- ادارية سابقة -•♥
    تاريخ التسجيل
    Sep 2010
    العمر
    32
    المشاركات
    1,650
    الجنس
    أنثى
    وظيفتي
    موظفة ادارية
    هواياتي
    //
    شعاري
    كـــن او لا تكــــن

    افتراضي رد: كدبة افريل

    اولا: الحمد لله عسلامتك أمك اختي

    ثانيا: أنا أكره كلمة poisson d'avril هذه

    ثالثا: فالكذب حراآآآآآآآآم وهل أحله الله حتى يكون له يوم خاص به؟؟؟؟

    سبحان الله اتقوا الشبهات في نفسكم اخوتي

    ولا تخرجو من أفواهكم ماتندمون عليه لاحقا

    رابعا:: أنا لم أجربها ولم تحدث لي في حياتي والحمد لله

    جزاك الله كل خير على الطرح المميز

    أسأل الله العلي العظيم أن يجعله في ميزان حسناتكـ

  5. #5

    تاريخ التسجيل
    Feb 2011
    العمر
    22
    المشاركات
    5,274
    الجنس
    ذكر
    وظيفتي
    /////
    هواياتي
    fOOtt BaaLL
    شعاري
    madrid amado por las mas

    افتراضي رد: كدبة افريل

    اقتباس المشاركة الأصلية كتبت بواسطة طفولة قلب مشاهدة المشاركة
    اخوتي اياكم و كدبة افريل هده .. احيانا نجد من الناس من يكذب يوميا يطرح قنابل ذخيرتها كدب في كذب ..


    عند حق اختي



    والله حتى وتقلقت من قريت نصف اول للقصة



    شكرا


    ((((15)))))

  6. #6

    تاريخ التسجيل
    Feb 2011
    المشاركات
    1,535
    الجنس
    أنثى

    افتراضي رد: كدبة افريل

    للاسف حدثت معي مرة

    في يوم 01 افريل 2009 بعقت لي اقرب صديقاتي رسالة قصيرة (ميساج ) قالتلي صار هكذا هذا حق العشرة اللي بيناتنا ,

    تروحي و تهدري فيا للناس انا واش درتلك كاشما قولتلك ,

    ليا واعلاه واش بغيتي عندي

    و انا ارواحوا شوفوني كيفاش صرالي رغم اني عمري ما درتها لا معا اللي قراب و لا

    البعاد بصح وليت نطلع و نهبط و المشكلة ماكانوش عندي الدراهم فالبورتابل باش نعيطلها

    و المعهد بعيد على الحوانيت , يا ربي كيفاش ندير

    مي مزية عارفتني بلي نتقاق بلخف , خلاتني شوية

    و من تعد عيطتلي ميتة بالضحك عليا ,

    قلتلها لوكان نصيبك قدامي ما نعرفش واش ندير فيك



    المهم انا ما نحبهاش , لوكان تعرفوا قصتها قاع ما نعاودوهاش

    هادي كذبة كذبوها ليهود على العرب او هوما دروك راهم دايرينها احتفال و فارحين بيها

    وينتا يفيقوا و يفطنوا برواحتيهم ,

    اتمنى السلامة للجميع ..........................

  7. #7

    تاريخ التسجيل
    Feb 2011
    العمر
    22
    المشاركات
    5,274
    الجنس
    ذكر
    وظيفتي
    /////
    هواياتي
    fOOtt BaaLL
    شعاري
    madrid amado por las mas

    افتراضي رد: كدبة افريل

    وانا ايضا صرات لصديق ابي وتوفي لاثرها




    قالولوا بلي امه راهي في مستشفى وهران وصديق ابي يخدم في سطيف اي في شرق ولم يخبروه بانها مزحة وفي



    ليل اتى بسيارته يجري


    200 كلم في ساعة او حتى اكثر مثاثرا وقلقا على امه





    وعندما وصل الى طريق سريع اصطدمت سيارته بشاحنة


    وتوفي







    اياكم وكذبة افريل


    .............................

  8. #8

    تاريخ التسجيل
    Feb 2011
    العمر
    22
    المشاركات
    5,274
    الجنس
    ذكر
    وظيفتي
    /////
    هواياتي
    fOOtt BaaLL
    شعاري
    madrid amado por las mas

    افتراضي رد: كدبة افريل

    من مزحة اصبحت حزن وأسى

  9. #9

    افتراضي رد: كدبة افريل

    شاكر لكم

 

 

المواضيع المتشابهه

  1. كدبة افريل بدعة
    بواسطة Ahmed Amine في المنتدى منتدى الاسلامي العام
    مشاركات: 0
    آخر مشاركة: 01-04-2016, 15:55
  2. حفلة 16 افريل
    بواسطة * Lª Flèur Dè Pâpähª* في المنتدى السنة الرابعة متوسط
    مشاركات: 10
    آخر مشاركة: 02-05-2014, 17:34
  3. مجرد كدبة صغيرة
    بواسطة الفكر الطَموح في المنتدى النكت و الالغاز
    مشاركات: 5
    آخر مشاركة: 06-04-2014, 18:31
  4. اكبر كدبة..........في التاريخ
    بواسطة ninala في المنتدى قسم المواضيع العامة
    مشاركات: 4
    آخر مشاركة: 18-04-2013, 19:55
  5. بحث حول يوم العلم 16 افريل
    بواسطة الافق الجميل في المنتدى طلبات و استفسارات تلاميذ التعليم المتوسط
    مشاركات: 4
    آخر مشاركة: 22-02-2013, 16:04

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •