أهلا وسهلا بك إلى منتديات طموحنا.



ادخلى عالجى الحبوب واثارها

السلام عليكم ورحمة الله يارب تكونوا بخير ربنا يسعد ايامكم ويريح بالكم امين يارب احسن علاج ومش مكلف وبسيط حالة جلدية بتحصل نتيجه تغير الهرمونات



ادخلى عالجى الحبوب واثارها


النتائج 1 إلى 1 من 1
  1. #1
    -•♥مشرفة قسم ركن القصص والمواعظ الدينية+ الطالب الناجح♥•-
    تاريخ التسجيل
    Feb 2016
    المشاركات
    1,425
    الجنس
    أنثى
    وظيفتي
    طالبة جامعية <مدرسة عليا >
    هواياتي
    نشر خير..رسم ...ترجمة لغة تركيا ¡
    شعاري
    أشهد أن لا اله الا الله وأشهد ان محمد رسول الله

    افتراضي ادخلى عالجى الحبوب واثارها

     

    ادخلى عالجى الحبوب واثارها 448.gif




    السلام عليكم ورحمة الله
    يارب تكونوا بخير
    ربنا يسعد ايامكم ويريح بالكم

    امين يارب



    احسن علاج ومش مكلف وبسيط



    حالة جلدية بتحصل نتيجه تغير الهرمونات وتغير الجو وافرازات البشره
    وبتظهر اكتر خلال فتره المراهقه
    وبرضو بتحصل للبنات نتيجه الدوره الشهريه والحمل

    صلوا على النبى الاول الموضوع يبقا فيه بركه
    اللهم صلى على سيدنا محمد صلى الله عليه وسلم



    ادخلى عالجى الحبوب واثارها 449.gif

    اولا
    اللى بيسبب الحبوب بصفة عامة:-

    1- الشمس
    2- العرق
    3- عدم النظافة
    .. اللى بيحصل ان المسامات بتهيج والأوساخ بتتراكم في المسام لحد ما تتسد المسام
    وتبدأ الحبوب تظهر وتبدأ العدوى في المسامات المجاورة وهكذا.



    شويه نصايح حبيت اقولها الاول لانها مهمه جدا
    وجزء من العلاج يعنى بيكملوا بعض
    ووخداها من دكتور جلديه لانى كنت كل ما اكشف على شعرى
    اسأله على الحبوب والبقع



    1- ممنوع نلمس ونلعب بالحبوب ، لأن بيعمل بيزود الحبوب وبيسيب أثر بعدين
    بالذات لو انتى بتتطبخى ولا بتنفضى لان ايدك هتبقا ما شاء الله فيها طبيخ وتراب وغيره
    يعنى متحطيش ايدك على الحباية اخطر حاجة وبتخلى الحبوب تنتشر

    2- ابعدى عن المايه السخنة على الوش: لإنها بتعمل جفاف والتهابات.

    3- ممنوع استخدام اى وسيلة في نزع الشعر لانها خطر جدا اثناء وجود الحبوب

    4- وضع واقى الشمسوقللي من تعرضك للشمس وقت الظهيرة على قد ماتقدري

    5- خففى من القلق والتوتر النفسي لأنها هتزود الحبوب.

    6- ممنوع المكياج في هذه الفترة بالذات
    يعنى ريحى بشرتك من المكياج لمده اسبوعين لحد ما الحبوب تنشف
    ولو حصل وحطيتى هنزيله كويسه بمزيل المكياج بقطنه ونمسح على خفيف
    مناديل ورق و مناديل قماش لانها جامده على البشره القطنه حنينه وهاديه
    القطن مش غالى ولا حاجه


    7- نشرب ماء كتير على اد ما نقدر
    هيبقا هايل هيطرد السموم اللى فى جسمنا
    هيحسسنا بالشبع ومنها نخس ونبقا


    مثلا
    عندكم 5 فروض فى اليوم لو هنشرب كوبايتين كبار قبل كل فرض وانتى رايحه تتوضى
    هتلاقى نفسك شربتى 10 كوبايات فى اليوم غير الماء اللى هتشربيها جنب الاكل العادى


    8- المخللات والشطه والموالح هيه اللى بتهيج البشره ياريت نقلل منها او نبطلها احسن


    ادخلى عالجى الحبوب واثارها 449.gif

    نجى بقا للعلاج اللى نعمله



    *- نغسل وشنا بغسول نظيف يوميا مرة صباحا ومرة ليلا
    الغسول مهم جدا وخصوصا للبشره الدهنيه
    لان اهم حاجة فى البشرة الدهنية دايما تغسلى وشك الاتربة..هى اللى بتزود الحبوب
    ( ممكن تسيبى الغسول فى الحمام عشان كل ما تتوضى تغسلى بيه )

    *- ممكن نغسل وشنا باللبن فدا بيساعد على تعقيم البشرة ومنع ظهور حبوب جديدة.
    او مغلى البقدونس او النعناع بعد ما يبرد طبعا
    ( بس الخطوه لو معندكيش غسول اوك)

    *- عارفين الخميرة بتساعد في منع ظهور الحبوب لاحتوائها على فيتامين "ب" الهام جدا للبشرة
    ممكن ناخد منها
    ( خميرة البيره بتاع الخبز)طب هنعملها هتتدوبيها مع كوب من اللبن او الماء يوميا

    *- ممنوع منعا باتا تغسلى وشك بالصابون العادي واستبداله بالصابون الطبي.
    الصابون العادى للاستحمام وبس
    هنستخدام الصابونه الطبيه

    بترغيها على وشك واتركيها دقيقتين ثلاته عالبشرة
    ونشطف البشرة بماء فاتر يعنى من الحنفيه

    *- نجى بقا لاهم خطوه واسرع خطوه

    الخطوه اللى هتقضى على الحبوب فى يومين بس
    ودى انا علطول بستخدمها بجيب مرهم ( مضاد حيوى ) اسمه فاركوسين ب 3 جنيه
    بحطه على الحبايه اول ما بلمحها وتانى يوم الاقيها اختفت
    ومش بس للحبوب لاء لاى قرصه ناموس او اى حشره وكمان بحط بعد عمليه ازاله الشعر من الجسم
    بالذات المناطق الحساسه لان بيمنع ظهور الحبوب فيها
    انتى ممكن تستخدمى اى مرهم تانى يكون برضو مضاد حيوى
    المرهم يا جماعه أمن جدا متخفوش منه ولو حابين تسئلوا
    الصيدلى اوك ميضرش


    صحيح نسيت اقولكم تستخدموه
    هتاخدى نقطه من المرهم على صابعك وتحطيها على الحبايه








    ادخلى عالجى الحبوب واثارها 449.gif

    بالنسبه لاثار الحبوب بقا

    * نعمل صنفره اى صنفره تحبيها وتناسب بشرتك
    ( مثلا الرده وعليهم شويه مايه او لبن ) او اى صنفره جاهزه
    زى صنفره اصاله ب 10 ج او اى صنفره تحبيها وتكون هاديه على البشره

    * الخيار يساعد ويخلى الوش صافى
    ويمتص كتير من الدهون الموجوده على الوجه
    انا بقطعه طرنشات وبنام وهوه على وجه
    صحيح بصحا الاقيه مرمى على السرير بس بيفضل فتره طويله على وشى

    * نستخدم اى نوع اسكينول لبشرتك
    او اسكرب مره او مرتين في الاسبوع على حسب حجم الاثار

    استخدمي كريم تفتيح على الاثار الموجوده
    انا كنت بستخدم فير اند لافلى وبستخدم دلوقت بى وايت ونسبيا حلو

    *شرب الماء مهم جداااا ينقي الوجه جدا ما اتفقنا

    *- لو لسه فيه آثار للحبوب ممكن استخدام كريمات مقشرة مش هقول على اى نوع
    لانك ممكن تاخدى استشارة الدكتور .
    لان هيعطيكى المقشر المناسب والمرطب ليه

    ملحوظه مهمه جدا جدا جدا جدا
    فى حاله ظهور حبايه جديده يتم التوقف عن اى صنفرة او لعب فى الحبايه اوووك
    لان احنا قولنا ممنوع اللمس او التصوير ادخلى عالجى الحبوب واثارها 450.gif
    اللهم بلغت اللهم فاشهد


    يارب لك الحمد كما ينبغي لجلال وجهك وعظيم سلطانك


    وربنا يجعل صبرى خير



    بحبكم فى الله

    h]ogn uhg[n hgpf,f ,hehvih

    التعديل الأخير تم بواسطة الحنين للجنان ; 23-03-2016 الساعة 10:50

 

 

المواضيع المتشابهه

  1. التخلص من أثار الحبوب مكونات طبيعية للتخلص من أثار الحبوب
    بواسطة اسامة البارق في المنتدى العناية بالبشرة
    مشاركات: 1
    آخر مشاركة: 30-08-2015, 12:44
  2. هل تعانين من آثار الحبوب على بشرتك..؟
    بواسطة byby44 في المنتدى العناية بالبشرة
    مشاركات: 2
    آخر مشاركة: 21-08-2015, 07:31
  3. ازالة الحبوب من الوجه
    بواسطة سارة في المنتدى العناية بالبشرة
    مشاركات: 1
    آخر مشاركة: 12-06-2015, 18:05
  4. تحضير درس تاريخ نوبات الجفاف واثارها
    بواسطة الافق الجميل في المنتدى اللغة العربية للسنة الثالثة متوسط
    مشاركات: 3
    آخر مشاركة: 06-04-2015, 17:54
  5. تحضير نص نوبات الجفاف واثارها للسنة الثالثة متوسط
    بواسطة الافق الجميل في المنتدى اللغة العربية للسنة الثالثة متوسط
    مشاركات: 0
    آخر مشاركة: 14-02-2013, 18:26

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •