أهلا وسهلا بك إلى منتديات طموحنا.



ملف شامل عن الشعر والعنايه به

ملف شامل عن الشعر والعنايه به



ملف شامل عن الشعر والعنايه به


النتائج 1 إلى 3 من 3
  1. #1
    -•♥مشرفة قسم ركن القصص والمواعظ الدينية+ الطالب الناجح♥•-
    تاريخ التسجيل
    Feb 2016
    المشاركات
    1,440
    الجنس
    أنثى
    وظيفتي
    طالبة جامعية <مدرسة عليا >
    هواياتي
    نشر خير..رسم ...ترجمة لغة تركيا ¡
    شعاري
    أشهد أن لا اله الا الله وأشهد ان محمد رسول الله

    افتراضي ملف شامل عن الشعر والعنايه به

     
    ملف شامل عن الشعر والعنايه به




    ملف شامل عن الشعر والعنايه به 1772.jpg



    السلام عليكم ورحمة الله وبركاته





    مراحب بالغاليات


    هالموضوع عن الشعر وشامل

    راح اذكر معلومات مهمه بعضها اطلاع اتحدى مر عليكم



    ومنها تدوينات مفيده للنخاع ومنها خبره


    ومنتجات ممتازه من تجاربي الشخصيه للأمانه


    بالصور عشان تستفيدون اكثر كالعاده


    وبرضوا تجارب غيري وووو... الخ خلوها مفآجأه تحت




    فصلت هالموضوع تفصيل وصدقوني بعد الله راح تستفيدون وتتغير حالة شعوركم

    لو قريتوا وركزتوا بلي بقوله مهم جدا


    الواحد لاجا بيغير شي بنفسه ضروري يفهم ساس المشكله عشان يلقى لها الحل بسهوله


    مسألة اني اجي خبط لزق بس من منظر خارجي وادرعم بالمنتجات واسمع لأي احد


    غلط عشان كذا شرحت كل شي عشان تتطمنون وتتوكلون على الله بأي منتج


    تكونون واثقين فيه ميه بالميه انه مناسب لمشكلتكم وماتقولون ليش مهما اهتم ماستفيد



    الشعر



    الشعر مثل بشرتنا بالضبط يعكس صحتنا العامه


    كلنا نتمنى شعر يظل جميل طول العمر ومو صعب بشرط اننا نحافظ على غذائنا


    ونوازن العنايه بين الشعر والفروه


    مظهر الشعر مكمل للجمال وله دور كبير بزيادة لمعان ونضارة البشره اذا كان ضعيف ومافيه


    لا لمعه ولا حيويه نحس في شي ناقص ومافي صحه بأشكالنا وبايخ على وجيهنا







    كيف تعرفين اسباب مشاكل شعرك ؟


    طبعا الجينات المتوارثه لها دور وهي العامل الرئيسي لتحديد لون الشعر وكميته ونوعه وبالمقابل


    في عوامل اخرى راح تحدد صحته :



    الولاده واكل حبوب الحمل : راح تأثرعلى الهرمونات بجسم الأنثى مع العلم ان اي تغيير


    او تقلب في مستوى هذي الهرمونات بيكون متصل مباشر بعمل الغدد وبيأثر فيها وبالتجويف الي


    تستقر فيه الشعره ببشرة الفروه






    المرض الله يكفينا شر الأمراض جميعا : الالتهاب او الحراره المرتفعه له نفس التأثير الي يحدثه

    على الشعر القيام بعمليه جراحيه كبيره المرض راح يسبب صعف كبير للجسم ويجعل الفروه


    والشعر اماكن يظهر فيها اثاره السلبيه







    الرجيم والنظام الغذائي الفاشل :






    الشعر يتكون من البروتين فأي غذاء غير مناسب او اي نظام غذائي ينقصه البروتين

    راح يأثر مباشره على نمو الشعر دايم انصحكم ان الغذاء


    مهم جدا لكل شي وهو الباب والمفتاح لأي علاج جمالي عموما


    النظام الغذائي السيئ راح يغير اللون الطبيعي للشعر بعد ويخليه باهت وجاف وسهل يتقطع


    تقدرين تعالجين هالمشكله بشرط تعوضين عن هالنقص من الداخل وبالذات تهتمين


    بالبروتين شي اساسي بغذائك عشان ماتخسرين جمال شعرك وطبعا مع التغذيه السليمه من جميع


    النواحي كمكمل






    الادويه : بعض الادويه لها تأثير عالجسم وخاصتا الشعر

    مثال : عقار اكيوتان الي يوصفونه لمعالجة حب الشباب المستعصي ويكون له اثار ملحوظه


    بجفاف الشعر وادوية السرطان الله يقطع طاريه والعلاجات الكيماويه تضعف الشعره


    مع انه يرجع ينمو تلقائيا بعد ماينتهي العلاج من هالمرض






    امراض الغده الدرقيه : فرط افراز الغده او قصورها بكل الحالتين راح يسبب بتساقط الشعر

    وطبعا لحسن الحظ ان اتباع علاجها الخاص بينظم مستوى هرمونات الغده الدرقيه الي تجري


    في الدم وبـ يوقف غالبا تساقط الشعر الي سببه هذا المرض






    انخفاض في نسبة مصل الحديد : فقر الدم اه يابنات اسألوا مجرب بهذلني مع شعري


    وبسببه راح ينقص الحديد وهالشي سيئ جدا على صحة الشعر ويتساقط بكثره






    الضغوطات النفسيه وقلة النوم : لما يكون جسمك مرهق وتعبان تضعف عنده المناعه

    وبيكون عرضه للكثير من المشاكل والامراض وراح يتأثر الشعر بصوره اساسيه لانه يعتمد


    على الجسم القوي المتغذي زين وبكذا بيدعم نموه






    اعداء الشعر

    الافراط بأكل الحلويات والكيك والخبز والمشروبات الغازيه والسكر الابيض






    الاستشوار والفير واي مجفف هواه حار




    التعرض للشمس بكثره او عناصر البيئه مثل ( الرياح ، وملح المحيط ، والحراره ، .. الخ )




    استعمال المواد الكيماويه على الشعر مثل الغسول ( الي يلون الشعر تلوين خفيف )

    او صبغه او حق التشقير وتفتيح الشعر معروف وواجدات






    استعمال الشامبوهات القاسيه جدا ( المليانه بالمنظفات ) وبقوه غير لطيفه عالشعر




    استعمال فرشه مصنوعه من النايلون الرخيصه راح يقطعها تقطيع ويشقق اطراف الشعر

    و ييزيد الاضرار بعد كل استعمال ضروري المشط حقك من النوع الكويس مو اي كلام






    فروه الراس




    عشان نحصل على شعر جميل ضروري تكون فروتنا صحيه




    تعريف :




    الفروه عباره عن ثلاث طبقات من الخلايا مشابهه لخلايا بشرة الجسم




    1- البشره : حيث تتوالد الخلايا وتجدد نفسها ولما تموت يتم فرزها والتخلص منها

    عبر الطبقات القرنيه ( طبقة الخلايا الميته )


    2- الأدمه : وهذي الطبقه تحتوي على اوعيه دمويه وشرايين تغذي الشعر والاعصاب


    وكذلك غدد التعرق والغدد الدهنيه الي تؤلف افرازاتها المائيه المسماه الهيدرولبيديه


    الغشاء المرطب الواقي للفروه او الزهم


    ( الغده الدهنيه متصله بالشعر وتصب افرازاتها في الجريب الشعيري ) وايضا


    على الميلانين او القتام الي يعطي الشعر لونه . وبرضوا يحتوي على نسيج الضام الي هو ( الياف كولاجين والالستين )


    الي تظمن مرونة وطراوة البشره وانشدادها


    3- التحت ادمه : الطبقه الداخليه وهي مؤلفه من انسجه شحميه تدعم وتعزل البشره


    وتساعد على تحمل الشعور بالألم







    اهمية التدليك أو المساج


    افضل طريقه لمعالجة الفروه هي التدليك او المساج والفايده انها راح تلطف الفروه


    وتخفف الضغط او الشد او الجهد فيها وتحسين الدوره الدمويه في الشعر ويعزز نموها


    وتحافظ على مسامها مفتوح وعلى افرازاتها انها تاخذ حريتها



    صور توضيحيه لحركات التدليك الخاصه بفروة الراس ملف شامل عن الشعر والعنايه به 1773.jpg






    1- بكل اصابعك وابدي التدليك من قاعدة الرقبه خلف الراس وتحركي لأعلى الجمجمه

    بحركه دائريه نحو للخارج



    ملف شامل عن الشعر والعنايه به 1774.jpg






    2 - لزقي اصابعك مع بعض ابدي التدليك من الجبهه مره ثانيه حركي يدك باتجاهين معاكسين

    وفي حركات دائريه متذبذبه باتجاه الجمجمه





    ملف شامل عن الشعر والعنايه به 1775.jpg




    3 - واخيرا بيديك مديها بالعرض واصابعك متشابكه اضغطي بقوه وثبات على فروة الراس

    وزلقي يدك من مقدمة الراس الى قاعدة الرقبه وانتي تسوين هالحركه


    ملاحظه : حاولت اشرح وذا الي طلع معي ماعرف اعلم الا بالتطبيق يارب انه واضح وفهمتوا المهم تأكدي


    انك تدلكين الفروه برؤوس أصابعك مو بأظافرك





    التدليك بالغالب يستعينون فيه لما يجون يعالجون الشعر

    لان وقتها راح يتدفق الدم عبر الدوره الدمويه الصغرى


    لبصلات الشعر ( المسام ) ويسمح لها تمتص افضل منتج للشعر


    الزيوت العطريه رائعه للفروه والشعر كـ تغذيه ( مثل الخزامى او البرتقال ) وتقدرين تضيفين


    الدهون وبعض المعادن والفيتامينات عبر استعمال مستحضرات الشعر المركبه الي تحتوي عليها


    فايدتها تمدد المسام وتساعد على تنظيم الافراز بالفروه وتزيد حركة الدوره الدمويه الصغرى


    الي هي الاساس ورى الفروه الصحيه بس بعض الحالات الخاصه تحتاج لـ علاجات اقوى من كذا




    تذكروا يابنات ان الفروه شي اساسي لجمال الشعر وصحته لاتهملونها






    القشره



    انواعها :










    1- قشره جافه


    2- قشره دهنيه









    وهالشي تابع لـ طبيعة فروة الراس يعني اذا كانت الفروه دهنيه بتكون فيها حكه





    اسبابها :





    غالبا تكون وراثيه


    وممكن تكون ردة فعل يعني تحسس من منتجات الالبان مثل الحليب والاجبان




    وممكن تكون اشاره بوجود نقص فيتامين B بنظامك الغذائي




    مصيبه القشره تسبب بكتيريا وفطريات وحكه والدكاتره لاوصلت لهالمرحله عالجوها بالمضادات




    وعلى فكره ممكن تكون المضادات سبب بقتل شي مهم للفروه بعض الاحيان وبكذا تزيدها




    يعني الحذر من استخدامها بكميات معقوله مو بأسراف










    كيف نعالجها :





    اول شي ياحلوات من الداخل طبعا


    كثروا من الاكلات الي تحتوي على الفيتامين A و E و B يوميا لمدة شهر كامل




    وتقدرين تاخذين الفيتامينات من الصيدليه وتستخدمينه شهر كامل مره باليوم ( استشارة طبيب افضل نوع )









    قللوا من السكريات بغذائكم مهم جدا وكثروا من الاكلات الي تحتوي على حديد مثل السبانخ وغيره





    ثاني شي : في زيت اسمه شجرة الشاي انا شاريته من المغرب مادري عندنا او لا


    شوفوا بدي شوب وزهور الريف ولوكستيان وهالمحلات ممكن عندهم مرررره رائع




    وينظف فروة الراس من الفطريات والبكتيريا والروائح بعد بس انتبهوا خففوه بالمويا




    ومو تستعملونه مركز ولاتكثرون منه كل اسبوعين مره يكفي




    راح تحسون بانتعاش









    عشان تهدون الحكه بالفروه استخدموا زيت اكليل الجبل او الخزامى وخلوه ساعه وبعدها


    حطي الشامبو وافركيها بلطف قبل المويا هالطريقه روعه عشان تزيل الزيوت بسرعه




    طبعا لاتنسون الي فروتها دهنيه لها شامبوها الخاص









    اذا فروتك جافه اكليل الجبل برضوا حلو





    معلومه حلوه : بنات تقدرون تضيفون للشامبو الخاص فيكم 10 الى 15 نقاط من هالزيوت وكل ماجيتوا تستعملونه


    رجوه رج عشان الفايده ولكي يتجانسوا جيدا وه وه









    اضافه مفيده :




    اغسلي شعرك بالمراميه او الزنجبيل او الخل المخفف مره انتبهوا مره تخففونهم لانهم حارين




    واحد منهم بس يكفي لاتخلطونهم




    مطهرات روعه وبيشيلون البلاوي ويزينون ريحة الشعر









    خلطه نتايجها مضمونه للقشره : اعصري ليمونه كبيره وحطي نصها على شعرك واخلطي النص الثاني مع كوبين مويا


    وبعد ماتغسلينه من الشامبو وتنظفينه اغسلي شعرك بالمويا الي فيها ليمون اخر شي




    وكرريه لين تختفي القشره بس انتبهوا مثل ماهو مكتوب بالضبط




    وعلى حسب كمية شعرك وطوله ومرتين بالاسبوع يكفي









    استعملي زيت الخروع والزيتون والجوز كدهان موضعي بس كماسك او علاج زيتي





    واذا فروتك دهنيه لاتقربها هالزيوت استخدمي الجوجوبا لانه يناسبك وراح يعيد التوازن بانتاج الزهم الطبيعي للفروه






    خلوني افرغ شوي الي بقلبي من هالناحيه


    بنات انتم تدرون ان مويتنا مخيسه ومتأكده ان غالبكم لاسافر بشرته وشعره يتغيرون للافضل




    طبيعي انتي وياها مويتهم حلوه حنا مويتنا فيها اضافات




    ترى لو كل وحده فيكم تشري فلتر يصفي شي جميل وفايده وتفتكون من الاضرار لان مهما




    اهتميتوا من هالمويا مراح تستفيدون لأنها تخرب بنسبة 60%




    بالاضافه الا الكلور والملوحه المدمره للشعر انتبهوا مره تأثيره سيئ




    الي ماتقدر تختم غسلة شعرها بموية شرب دافيه مع م ص خل تفاح عشان تشيل الكيماويات




    الي بعد المويا العاديه




    lgt ahlg uk hgauv ,hgukhdi fi


  2. # ADS
    Circuit advertisement
    تاريخ التسجيل
    Always
    المشاركات
    Many
     

  3. #2
    -•♥مشرفة قسم ركن القصص والمواعظ الدينية+ الطالب الناجح♥•-
    تاريخ التسجيل
    Feb 2016
    المشاركات
    1,440
    الجنس
    أنثى
    وظيفتي
    طالبة جامعية <مدرسة عليا >
    هواياتي
    نشر خير..رسم ...ترجمة لغة تركيا ¡
    شعاري
    أشهد أن لا اله الا الله وأشهد ان محمد رسول الله

    افتراضي رد: ملف شامل عن الشعر والعنايه به

    الفروه الجافه والشعر الجاف

    اسبابه :





    الاسباب الرئيسيه الافراط باستعمال المجففات مثل الاستشوار وانك تتعرضين للحراره والجو العاصف

    والمشمس غالبا والصبغات طبعا والتجعيد


    انتبهي من القرقه الي ذكرتها فوق


    هذي اشياء مهمه اتبعيها


    1- نظفي فروة راسك وشعرك زين من الاوساخ بدون دفاشه بشويش عشان ماتضرين شعرك


    2- اختاري المستحضرات الي تحتوي على فيتامين E ولستين الصويا وحوامض الدهون الاساسيه
    الي تغذي الفروه من العمق والي تساعد على اعادة الغشاء الهيدرولبيديك للحاله الي كان عليها
    هالمستحضرات راح تنعم الياف الكيراتين الطبيعي الي بشعرك وتعيد لمعانه وطراوته


    3- كثروا من البروتين ( البيض خصوصا رائع )


    4 - دلكي فروة راسك من الزيوت العطريه مثل زيت الزعتر والمراميه والخزامى طبعا خففيها بزيوت
    بارده مثل اللوز وانتبهي من الزيوت الدسمه عشان القشره يعني الزيوت المفيده والمضاده للمشاكل
    زيوت الليمون واكليل الجبل والنعناع





    الفروه الدهنيه والشعر الجاف

    هالنوع من الشعر ماشاءالله غالبا كثيره وسميكه وكيرلي
    بس الزين مايكمل


    طبعا الاسباب هي نفسها الي كتبتها بالجافه اول شي العوامل الخارجيه سبب رئيسي


    والزهم جالس يفرز بطريقه تصعب عليه انه يوصل لخصلات الشعر كلها
    فينحبس بس بالجذور فوق ويوقف
    وهالشي الي سبب الجفاف والبهتان والتقصف بمنظر الشعر وين بيزين وهو خانق بصلتها من فوق ههه


    كيف نعالجها





    1- غذيها طبعا من الجذور



    2- خففي من الزيوت الي تنتجه بالفروه بدون ماتنشيفها بالمره عشان ماتزيد اوكي هالشي مهم وافهميه !


    3- غذي الشعر الجاف والمتضرر بعيد عن الفروه بالزيوت والعلاجات المطريه


    4- استعملي الشامبوات الي تحتوي على زيوت عطريه مثل العرعر والزعتر
    هالنوع من الزيوت تلاقينها بالمكونات ورى الشامبو ونتايجها روعه بدون اضرار وشي يعكس ويضر
    فالافضل تعتمدون عليها



    الفروه الدهنيه والشعر الدهني





    طبعا دايم اذكر لكم كلمة الزهم وهي اسم ماده دهنيه تفرزها البشره الدهنيه وهالشي يحمي البشره
    مثل ماشرحت قبل ...الخ !
    وينفع الشعر ويخليه طري وناعم
    والمشكله هنا انه يفرز عن حالته الطبيعيه وبكذا بيكتم بصيلات الشعر وبيمنعها انها تنمي


    كيف نعالجها





    1 - نظفيها بتنظيف عميق اكرر مو لدرجة الجفاف راح يجيب نتيجه عكسيه



    2- اغسليها بالشامبو يعني ركزي عليها وبالذات ان ديرتنا جوها كلها غبار وملوثات فالابد
    من الاهتمام بزياده


    3- دلكي فروة راسك وانتي حاطه الشامبو وبرضوا مو اكثر من مره لاتزيدين الزيت
    وتنبهينه بهالطريقه


    4 - في اقنعه بالصيدليات للفروه الدهنيه تحتوي على الصلصال مره ممتازه وبتفيدكم
    وراح تمص الزايد وتوازي الدهون بدون ماتنشفها


    5 - لايقرب البسلم لفروتك وفي بلسم خاص برضوا للشعر الدهني مايزيد مشاكلها
    اسألي بالصيدليه وبيعطيك


    معلومه : اي شي فيه كافور للوجه او الشعر الدهني مفيد جدا لكم


    6 - للانتعاش والنظافه اعصري عصير ليمونتين في طشت مويا كبير
    وياريت موية شرب عشان اضمن انها صافيه شوي
    واغسلي شعرك فيه
    او م ك خل تفاح بطشت كبير مويا برضوا حقت شرب واشطفي فيه شعرك اخر شي
    الخل بالذات راح يلطف فروتك ويزيلك الشامبو الباقي عشان مايتعب شعرك وفروتك لابقى فتره طويله


    7 - استرخي وارتاحي لانه مهم جدا وراح يأثر على الهرمونات بانتاج الزيت لانك كل مانضغطتي
    نفسيا راح ينتج هرمون زايد وبسببه الزهم بيفرز اكثر انتبهوا وريحوا بالكم ونفسيتكم



    نبدا الحين بالأقنعه والتجارب الي تخص كل نوع بالشعر





    معلومه عامه : الزيوت مع التسخين فوايدها تزيد
    وللفايده اكثر بعد غطي راسك بعد الزيت بغلاف بلاستيكي وبرضوا قبعه بلاستيكيه فوقه حقت الحمام
    وفوقه اخر شي منشفه مبلله بمويا حاره وخليه طول الليل واغسليه الصبح والنتيجه خيال

    الاقنعه غالبا بتناسب الشعر الجاف كله مع الفروه واما الي فروتها دهنيه تحطه عالشعر فقط

    في فناع انا اعشقه ولما احطه احس شعري صحي ويلمع والتساقط يقل
    وعادي لو حطيتوه عالفروه ياصاحبات الفروه الدهنيه

    علبة زبادي كامله + 2 بيض + 4 ملاعق كبيره زيت خروع
    تخلونه ساعه الى ساعتين طبعا عالفروه والشعر كله
    مره بالاسبوع

    تنبيه : يكون شعرك قبلها بيوم نظيف يعني غاسلته مو تحطينه على شعر مانغسل له ايام ومخيس




    قناع ثاني رائع بعد : بيضتين + م ك خروع + م ك غليسرين + م ك خل تفاح


    بعد ماتغسلين شعرك وتنظفينه من الشامبو حطيه وخليه 15 دقيقه

    قناع العسل مع الزبادي وزيت السمسم بكميات متساويه ماعدا العسل 2 م ك للشعر الجاف خيال
    خلوه ساغه واغسلوه بمويا بس

    للشعر الدهني : بيضتين مع عصير ليمونه و م ك زيت الجوجوبا
    تقدرين تعدلين الكميه اذا شعرك طويل
    خليه نص ساعه وبعدها دلكي لـ عشر دقايق واغسليه بمويا وبعدها الشامبو والبلسم الخاص فيك

    بالنسبه للماركات الممتازه للشعر
    طبعا الشركات الطبيه رقم 1
    افضل من التجاري بمليون مره
    واخص شركة بريفيا وذكرتها بـ كذا موضوع انها افضل تجربه ونتيجتها خيال وبانت معي
    في لجميع انواع الشعر



    هذي صورته


    عشان فروة راسي دهنيه وشعري جاف كل واحد له شي
    الصغنون للفروه خاص والتسبير للشعر خاص
    فهمتوا يلي مثل نوع شعري
    مرتين بالاسبوع غسل الفروه يكفي اوكي

    وفيه منه انواع على حسب نوع الشعر انصحكم فيه وبقوه
    وللقشره عندهم شامبو جنان لايفوتكم بالبدايه على حسب 3 مرات بالاسبوع وبعدها كل 10 ايام مره بس
    وربي حتى الورائيه يقضي عليها بس استمري وخليه من ضمن العنايه

    وبعض المنتجات الحلوه

    دوف
    مره شي جميل هالشركه للشعر بس غيره ماحب
    ممتاز للفروه والشعر الجاف فقط

    بانتين حلو بس بديل الزيت لا

    هذول افضل شي للشعر برايي الحين والي يحضرني كـ تجارب الي حولي
    والشركات الطبيه كثير نقوا الي تبون آمنه كلها ولها فوايد اكيد
    وطبعا ذكرت لكم المكونات الي تناسب نوعيات شعوركم والباقي عليكم

    الهدف من الشامبو طبعا التنظيف ويساعد على تنبيه الدوره الدمويه بالفروه وبكذا يزيدها
    اكسجين وغذا وهو شي اساسي عشان نحافظ على جماله

    نصائح مهمه لاختيار البلسم :




    1 - تجنبي اي بلسم فيه تركيبات عطريه والالوان الصناعيه


    2 - وتجنبي بعد البلسم الي يحتوي على مشتقات حيوانيه

    ودوري على المكونات الطبيعيه بالاعشاب والفيتامينات والمعادن والحوامض والزيوت




    تنبيه : لاستعملتيه تأكدي ان شعرك نظف من الشامبو وقليل مو كثير واتركيه مثل ماهو مكتوب
    على مقفاه وبعدها اغسليه زين




    اذا حسيتي انك ماستفدتي من البلسم وماشفتي نعومه ولمعان اعرفي انه ماناسب نوعية شعرك


    الي شعورهم تعبانه وجافه بالمراكز او المشاغل الي عليها الكلام يسوون علاجات ترطيب للشعر
    مرتين بالشهر انصحكم فيها مره تعالج وتشيل الخراب الي سببته العوامل الخارجيه والداخليه

    طبعا السيرم انواع لحماية الشعر من المجففات نادر ماستشور شعري بس مهمه
    كثير وعجبني كريستال احسه الافضل

    بنات السيرم مهم عشان مايتضرر الشعر لاتهملونه
    برب لااحد يرد



  4. #3
    -•♥مشرفة قسم ركن القصص والمواعظ الدينية+ الطالب الناجح♥•-
    تاريخ التسجيل
    Feb 2016
    المشاركات
    1,440
    الجنس
    أنثى
    وظيفتي
    طالبة جامعية <مدرسة عليا >
    هواياتي
    نشر خير..رسم ...ترجمة لغة تركيا ¡
    شعاري
    أشهد أن لا اله الا الله وأشهد ان محمد رسول الله

    افتراضي رد: ملف شامل عن الشعر والعنايه به

    وللحمايه بعد جربت ذا الشي صورته لكم من اغراضي بعد





    مش بطال بس حبيته لأنه مويا ماحب كثرة الزيوت صراحه


    حمامات الزيوت الي بتسوي اقنعه وبلسم خلاص بلاش منها لان بيصير كثير كذا


    وياريت ماتحطون كثير لانه يطيح بعقل الله يرضى عليكم والي فروتها دهنيه لايقرب للفروه
    والجافه عادي بس مو كثير بعد


    علاجات قديمه ورائعه لـ يومها

    الحنه : معروف انه عدو القشره ويقشع ابوها بس عيبه الجفاف
    والافضل تحطون معه زيت
    والي شعرها مصبوغ تنتبه مايحتاج اوصي


    المحلب مو الحلبه : ذكرته بموضوع سابق لي عن البشره الدهنيه
    رائع جدا وعن تجربه وينفع حتى للشعر المصبوغ فوايده كثر طول
    وريحة شعر تجنن وفروه نظيفه


    الي شعرها جاف تحط معه زيت خفيف يالوز او خروع او سمسم
    م ك بس من الزيت بطاسة نصها مويا و نص م ص محلب لاتكثرون
    وابدو بالفروه وبعدها الشعر ومشطوه وانتم تحطون


    اما الشعر الدهني تكتفي بالمويا فقط بدون زيت ونفس الكميه


    حطوه بعد ماتتروشون ولاتغسلونه الا اليوم الثاني وياليت تظفرونه بعد ماتحطونه


    السدر : مايحتاج شي رائع


    وكريم اظن اسمه ليدا مرسوم عليه ورده بعد ماتتروشين تستخدمينه على شعرك يصير يجنن




    واخيرا يابنات

    اشياء مهمه جدا



    تقصين اطراف شعرك عالاقل كل شهرين


    وبعد كل صبغه ضروري القص عشان التقصف مايرقى للشعر بعد فتره ويعدمه لك


    وحاولي تباعدين فترات الصبغ عشان ماتنضر فروتك وشعرك بعد


    والعطورات لاتكثرين منها انا عندي من نكتار للشعر استخدمه بس بالمناسبات خفيف جدا
    وحلوووو بعد كل ترويشه احب البخور ابخر شعري وملابسي
    احلى من الطيب مليون مره كافي ان الملائكه تحيطتس وقتها


    ودايما تعودوا تظفرونه بعد كل ترويشه ودامكم بالبيت راح يطول ويزين وينعم


    ولازم تعقمون المشطه ضروري بـ ليمون او شوية ملح لاتكثرون مررره ممتاز
    في طبعا بالصيدليات بس ذا يكفي



    الحين راح اختمها بطريقة التمشيط





    مثل ماهو واضح قدامكم مايبيله شرح هذي التقنيه ائمن شي للتمشيط وماتخرب الشعر
    طبعا هالشي نادر نشوفه بالسعوديه بس الي راح تسافر دول اوروبا راح تشوف اغلب
    المشاغل هناك يعتمدونها ويوصون عليها للحفاظ على صحة الشعر
    الي شعرها تعبان وجاف ومتقصف تستخدم المشط الي له اسنان متباعده وياريت خشب تلاقونه
    بالصيدليات طاوعوني افضل لكم
    هذا كلام اشطر مختصين بالشعر وربي



    انتهيت من الموضوع


    يارب اكون افدتكم والموضوع نال على رضاكم



    لاتنسوني من التقيم

 

 

المواضيع المتشابهه

  1. مشاركات: 2
    آخر مشاركة: 13-03-2017, 13:16
  2. مشاركات: 16
    آخر مشاركة: 18-11-2014, 14:23
  3. اظافرك والعنايه بها
    بواسطة AMOAMOO في المنتدى العطور و الماكياج
    مشاركات: 3
    آخر مشاركة: 08-07-2013, 10:53
  4. ملف شامل لكل ما يخص الشعر
    بواسطة ♥♪الُأٌوًرڳًيد أُلَزّرقٌأًء♪♥ في المنتدى العناية بالشعر
    مشاركات: 2
    آخر مشاركة: 20-04-2013, 15:45
  5. تساقط الشعر هل يمكن إكتشافه مبكراً .. موضوع شامل ؟
    بواسطة LINAS في المنتدى العناية بالشعر
    مشاركات: 0
    آخر مشاركة: 05-04-2011, 19:38

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •