أهلا وسهلا بك إلى منتديات طموحنا.



جهاز العروس

السلام عليكم و رحمة الله تعالى و بركاته جهاز العروس امر يهم كل فتاة رايحة تتزوج بعدما تكون دارت حسابها وش تسحق من حوايج و صبابط و الكوسميتيك و



جهاز العروس


النتائج 1 إلى 2 من 2
  1. #1

    تاريخ التسجيل
    Dec 2015
    العمر
    13
    المشاركات
    103
    الجنس
    أنثى
    وظيفتي
    طالــــــــبـة
    هواياتي
    المطالعتـ/*الغنائـ
    شعاري
    لا معنى للمستحيل عند ربي

    افتراضي جهاز العروس

     
    السلام عليكم و رحمة الله تعالى و بركاته
    جهاز العروس 2.php?img=76952

    جهاز العروس امر يهم كل فتاة رايحة تتزوج بعدما تكون دارت حسابها وش تسحق من حوايج و صبابط و الكوسميتيك و المكياج و فراش ......

    و اليوم حبيت نعاون كل مقبلة على الزواج باش تتخلص من الستراس و الحيرة لي تحكمها و هي توجد لعرسها
    اختي العروس رايحة نهديلك هاد القائمة لي فيها كل متطلبات العروس و لي ما تقدرش تستغني عليها و هي تجهز و توجد لعرسها

    اولا و قبل كل شيئ تتوكل العروس على الله و تبدا تشري حاجة لي تخليها دايما قريبة لربي سبحانه
    مصحف و سجادات و لباس الصلاة و كتب الاذكار باش ربي يفتح عليها و يعاونها

    -1-قمصان النوم و الملابس الداخلية:

    1. لي نويزات و نوعي بين الساتان و الدانتيل ادي معاك ديزابيي تع الليلة الاولى
    2. راهم يتباعو وحد لي غوب تع قطينة تع الدار للصيف يجو قصار و بلا كم و كاين منهم تع الشتا طوال و بكم طويل
    3. الفيزوات + الجيبون + لي بوستيي
    4. البيجامات للصيف كاين لي بالسوال و بنصف كم و كاين لي بونتاكور و بلا كم اما لبيجامات الشتاء فكاين لي يتشبهو للسيرفاتمون 3 بياس و كاين لي روبة حتى للركبة و معاها فيزو .......

    -2- جبب او قنادر الدار:
    قنادر تع الصيف و قنادر تع الشتاء الواحدة لما تكون تجهز تدير حسابها لقنادر تع الشغل وحدهم و قنادر لي تقعد بيهم فالدار وحدهم و قنادر تع الضياف يكونو شابين و غاليين شوية و ما ننساوش طابلية تع الشغل و لي بوانت باش نشدو شعرنا وقت الشغل و الطياب

    -3- الحجابات و حوايج تع الخرجة :
    هنا كل وحدة وش تلبس الا سيفيليزي و لا محجبة و كل وحدة عندها الاختيار حسب الستايل لي تلبسو و ما تنساوش الخمارات للمحجبة + عباية مع خمارها للاعراس و المناسبات



    -4-الذهب و الاكسسوارات :

    1. الذهب حسب ميزانية كل عروسة
    2. ما تنسايش فونتيزي تدي شوية اكسسوارات
    3. الساعات الا كنتي من محبيها

    -5- الصبابط و البلايغ و الصيكان:

    1. صبابط تع الخرجة تع كل يوم صبابط بلا طالون و للمناسبات صبابط بالطالون و للشتاء ممكن لي بوت و لا كافاليار
    2. صبابط التصديرة و لي بوشات تاعهم
    3. بلايغ تع الدار تع التسياق و لي تمشي بيها فالنهار و بنتوفات للشتاء و لي صابو كي يجوك الضياف....
    4. اما الصيكان تاني للخرجة تع كل يوم و للمناسبات

    -6-التصديرة :
    كل وحدة وش حبت تدير و كل وحدة و الامكانيات تاعها



    -7- ملابس اخرى :
    سراول و التنورات و لي بونتاكور و لي بودي لي تحب تلبس فالدار



    -8- الكوسميتيك و المكياج :

    1. شامبوان و ابري شامبوان و كريمات و زيوت للشعر حسب نوع الشعر
    2. صابون و جال دوش و كريمات مرطبة للجسم
    3. مستحضرات خاصة لازالة الشعر الزائد......
    4. روايح و لي ديودورون و الستيك ......
    5. دونتيفريس و بروصادون.....
    6. مكياج حسب الرغبة
    7. فوط صحية
    8. مناديل مبللة معطرة**لي لانجات**



    -9-اجهزة تستعملها العروس:
    سيشوار و ليسور و آلة ازالة الشعر و الفير أروباسي لي هو الحديد



    -10- الفراش و السرابت و اكسسوارات اخرى:

    1. لي درا تع كل يوم + لي درا اوس
    2. درا تع الساتان
    3. درا تع الكروشي و البرودي و غرزة الحساب
    4. كوفرولي تع النهار الاول
    5. لي كوفرولي تع كل يوم
    6. لي كوفرولي تع المناسبات

    7. لي كوات
    8. الزور و لا لي كوفيرتور
    9. المخايد + المسند
    10. مطارح حسب المنطقة
    11. زرابا
    12. لي ديسون دو لي
    13. بساطات و لا لحوف
    14. ريدوات
    15. شورا للمطارح



    16. لي نابرون
    17. دي ديكوراسيون للاكوافوز **شموع -دي فاز صغار....**
    18. تلايق تع الخزانة
    19. علاقات الخزانة
    20. لي سانتر باش تعلقي حوايجك
    21. سورتي د بان ليك و لراجلك
    22. سرابت للدوش
    23. سرابت صغار و متوسطين ....

    و الا العروسة سكنت وحدها ممكن تدي معاها شوية مستلزمات المطبخ ماعن .......


    و ما ننساوش الهدايا لي تدي معاك لزوجك و اهله قطع قماش صابون خمارات سرابت سجادات



    ان شاء الله نكون ما نسيت والو

    ربي يوفق كل عروس و يهنيها و يرزقها بالذرية الصالحة



    و لي ماشي مزوجة و لا مخطوبة اسئل الله لكن الزوج الصالح



    لا تنسوني من صالح دعائكم

    تقبلو تحياتي

    [ih. hguv,s

    الأعضاء المٌعجبين بهذه المشاركة: ♥ هًمْسَةٌ أَمَلٍ♥

  2. #2

    تاريخ التسجيل
    Oct 2015
    العمر
    18
    المشاركات
    4,276
    الجنس
    أنثى
    وظيفتي
    طًآلٍبًةٌ فـي الثآنوية
    هواياتي
    المطالعتـ/*الغنائـ
    شعاري
    للحياة لحن جميل ~~~ لا يتقنه سوى من يتقنن بالتفاؤل ♡♡

    افتراضي رد: جهاز العروس

    شكرا لك حبيبتي الموضوع رائع شكرا للمعلومات القيمة

 

 

المواضيع المتشابهه

  1. جهاز العروس
    بواسطة ღ~♫محبة الرحمن♫~ღ في المنتدى أزياء وتجهيزات العرائس
    مشاركات: 0
    آخر مشاركة: 10-06-2015, 13:19
  2. جهاز العروس لسنة2015
    بواسطة كوثر الجميلة في المنتدى النكت و الالغاز
    مشاركات: 1
    آخر مشاركة: 28-03-2015, 11:08
  3. تزين جهاز العروس
    بواسطة ~حنين الروح~ في المنتدى أزياء وتجهيزات العرائس
    مشاركات: 1
    آخر مشاركة: 19-02-2015, 19:50
  4. جهاز العروس بالتفصيل الممل
    بواسطة همسًة ٱحًسًٱسً في المنتدى أزياء وتجهيزات العرائس
    مشاركات: 0
    آخر مشاركة: 06-01-2015, 12:45
  5. افكار لتزيين جهاز العروس
    بواسطة ღ سمۉة آڸآحسآس ღ في المنتدى أفكار وتجارب منزلية
    مشاركات: 5
    آخر مشاركة: 24-04-2014, 13:10

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •