أهلا وسهلا بك إلى منتديات طموحنا.



نكت محكة

0148.gif مرة واحد جاهل اتزوج بوحدة ولدت بعد 3 شهور حلف يقتلها قالتله رواح نحسبوها أنت شحال عندك من لي تزوجت ؟ قالها 3 قالتلو وانا



نكت محكة


النتائج 1 إلى 2 من 2
  1. #1
    ♥•- مشرف سابق -•♥
    تاريخ التسجيل
    Oct 2015
    العمر
    17
    المشاركات
    2,231
    الجنس
    ذكر
    وظيفتي
    متمدرس في 1 ثانوي
    هواياتي
    كرة القدم , التصميم , ألعاب الفيديو , الخروج مع الأصدقاء
    شعاري
    أوجد لنفسك مكانا في القمة ففي القاع ازدحام شديد

    اضحك نكت مضحكة

     
    نكت مضحكة 0148.gif





    مرة واحد جاهل اتزوج بوحدة ولدت بعد 3 شهور حلف يقتلها

    قالتله رواح نحسبوها أنت شحال عندك من لي تزوجت ؟
    قالها 3
    قالتلو وانا شحال عندي من لي تزوجت؟قالها 3
    قالتلو واحنا شحال عندنا من لي تزوجنا؟قالها 3
    قالتله 3و3و3 يساوي 9
    قالها صدق اللي قال العلم نور


    واحد ربح في لوطو(الرهان يعني) امالا قر
    ر باش يفليكسيها كاملة في
    التيليفون امالا كي

    فليكساها كي كمّل ردت عليه خدمة الزبائن قاتلوا : رصيدك الى يوم
    القيامة

    واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح

    كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي


    واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

    واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم

    وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة

    هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا

    مرة واحد حلف يروح لفرنسا من الجزاير يعوم,
    عام تلات أيام وبقاتلو مسيرة يوم, تعب رجع

    قالو: يا عومار والله الدخلة اليوم باطل
    (مجانا) قالو: آو واين؟, قالو: في الحيط

    خابط راح يحضر جنازة فسقسى واحد مهبول: "شو يخدم الميت يا خو؟" قاله المهبول: "يحفر قبور". رد الخابط :"سبحان الله اللي يحفر قبر لخوه يطيح فيه"


    كان فيه وحد العجوزة دخلت للقهوة. قاتلو يا وليدي شحال كاس قهوة. قالها 10د
    قاتلو وشحال تحسبو السكر...قاللها ياالحاجة السكر باطل. قاتلو امالا أرى 2 كيلو

    وحد المعلم سقسا وحد التلميذ
    قالو أعطيني شيء يتمدد بالحرارة ويتقلص بالبرودة
    التلميذ قالو: العطلة يا أستاذ. في الشتاء 15 يوم وفي الصيف 3 أشهر

    واحد طلع في الكار وكان لا بس سباط تع 3000 الف
    وحد العجوزة عفست عليه
    قاللها الحاجة نحي رجليك راكي معفسة على 3000 الف
    قاتلو: وين راهم. طاحولي ليا




    k;j lqp;m

    2 من الأعضاء مٌعجبين بهذه المشاركة: Lee Ina,SaLiiMaa
    التعديل الأخير تم بواسطة ♥Mohamed Farouk♥ ; 19-11-2015 الساعة 20:03

  2. #2

    تاريخ التسجيل
    Nov 2015
    العمر
    16
    المشاركات
    70
    الجنس
    أنثى
    وظيفتي
    pupile
    هواياتي
    swiming.danc kpop
    شعاري
    YG familly one

    افتراضي رد: نكت محكة

    هههههههههههههههههه
    شكرآ
    الأعضاء المٌعجبين بهذه المشاركة: SaLiiMaa

 

 

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •