صابلي الفرماج بالشيكولة 🤎✨
المقادير :
250 غ مارغارين طرية
8 حبات جبن
3ملاعق سكر ناعم ( سكر ڨلاص )
5ملاعق كاوكاو محمص ومرحي بقشورو ( تقدرو تستعلمو اي مكسرات تحبوهم وتانيك تقدرو تخلطو اي نوع تبغو )
ملعقة صغيرة معمرة فانيليا
رشة ملح
فرينة
الطريقة :
نخلط المارغارين مع الجبن مليح سوا بالباتور ول باليد وحتى يتجانسو ونزيد عليهم سكر ونخلط حتى يولو خليط كريمي ونزيد المكسرات ونخلط مع فانيليا ونخلط ونكمل من تخلاط نزيد ندير الفرينة مع رشة ملح ونلم العجينة لازم تكون طرية كيما اي عجينة صابلي
نخلوها ترتاح قيس مانظمو رواحنا ونوجدو طاولة العمل ، المهم نجيب المول ول الطابع كل واحد كيف يسميه ، نا خيرت شكل كاري (مربع ) كيما راكم تشوفو فيه في الصور نبدا نطبع فيه ونحط في الصينية ديالنا لي تكون مفرشة بورق الطهي باه ماتلسقش الحبة وتاني يجي طيابها هايل ندخلوها لفرن على درجة حرارة 180° نطيبوهم حتى نشوفو الصابلي ديالنا دا لون شباب وطاب من تحت وتزيدلو من فوق يدي تاني لون شباب نخرجو ونخليه يبرد ومبعدا نخدم بيه
نولو الأن لطريقة تحضير الحشو ولي هو الڨاناش :
المقادير :
100غ شوكولا تحبو ديرو سوداء ول بالحليب ول تخلطوهم يعني 50غ سوداء 50غ بالحليب
3ملاعق زبدة
150غ شوكولا الطلي يعني قيس 6ملاعق كبار
الطريقة :
نذوب 100غ شوكولا مع الزبدة حتى يولي خليط متجانس نحوها من النار ونزيد عليها شوكولا الطلي ونخلط ونخلي خليط يبرد في غرضو ، كي يبرد مليح نجيبو نبقى نخلط فيه حتى نقدر نحطو في كيس الكريمة ( دوك لي يتباعو بالف جايين بلاستيك)
....
نجو لصابلي ديالنا نستفوهم حبة فوق حبة ، نجيبو حبة ونبدا نحط عليها القاناش نحط غي في الحواف ونخلي فراغ في النص ، حيث هذاك الفراغ نحط في نيسلي كرامال ( نتوما تقدرو تبدلو وديرو اي حاجة تحبوها سوا توفيا ول نتاع الكابريس ول تحطو كريمة فول السوداني المهم لكم الاختيار ) كي نكمل نحط فوق حبة الصابلي ونريقلهم من الحواف اذا كشما زوائد نتاع القاناش نمسحهم باه تجي الحبة ديالنا متحوفة وندخلوها الثلاجة باه يبردو ويحكمو في شكلهم ، مبعدا نخرجهم ونبدا نڨلاصي فيهم بشيكولا الحليب لي نكون زدت عليها
ملعقة كبيرة زيت باه يجي القلاصاج ديالنا لامع كي تنشف الشيكولا نجيب الناكري ديالنا ومعاه السائل دياله نديرو ونجيب فرشاة ونبدا نرش بيه الصابلي باه يجو نقاط صغار متحوفين كيما الموضح في الصورة ، نا كنت من قبل خدمت داك الشكل الپاپلي لي يجو في مول الشفاف انا اخترت هذا الشكل لأنه الصابلي كاري وهو كاري ( مبعدا نصورلكم المول راهم يتباعو بخمسلاف ) ونلصقهم بالشيكولا فوق حبة الصابلي ديالنا ونا زدت درت الورقة الذهبية في النص مدت شكل شباب ، ويبقى التزيين اختياري ، نا درت هكا ونتوما شوفو هزو الافكار وطبقو ، واكيد نحطوهم في الكيسات مع الدونتال ونحطهم في بوت مونجي وندخلهم الثلاجة باه ماتذوبش الشيكولا وتاني باه يبقى القاطو لأطول مدة ممكنة ويبقى طري وبنين
وشهية طيبة 🤎✨
المقادير :
250 غ مارغارين طرية
8 حبات جبن
3ملاعق سكر ناعم ( سكر ڨلاص )
5ملاعق كاوكاو محمص ومرحي بقشورو ( تقدرو تستعلمو اي مكسرات تحبوهم وتانيك تقدرو تخلطو اي نوع تبغو )
ملعقة صغيرة معمرة فانيليا
رشة ملح
فرينة
الطريقة :
نخلط المارغارين مع الجبن مليح سوا بالباتور ول باليد وحتى يتجانسو ونزيد عليهم سكر ونخلط حتى يولو خليط كريمي ونزيد المكسرات ونخلط مع فانيليا ونخلط ونكمل من تخلاط نزيد ندير الفرينة مع رشة ملح ونلم العجينة لازم تكون طرية كيما اي عجينة صابلي
نخلوها ترتاح قيس مانظمو رواحنا ونوجدو طاولة العمل ، المهم نجيب المول ول الطابع كل واحد كيف يسميه ، نا خيرت شكل كاري (مربع ) كيما راكم تشوفو فيه في الصور نبدا نطبع فيه ونحط في الصينية ديالنا لي تكون مفرشة بورق الطهي باه ماتلسقش الحبة وتاني يجي طيابها هايل ندخلوها لفرن على درجة حرارة 180° نطيبوهم حتى نشوفو الصابلي ديالنا دا لون شباب وطاب من تحت وتزيدلو من فوق يدي تاني لون شباب نخرجو ونخليه يبرد ومبعدا نخدم بيه
نولو الأن لطريقة تحضير الحشو ولي هو الڨاناش :
المقادير :
100غ شوكولا تحبو ديرو سوداء ول بالحليب ول تخلطوهم يعني 50غ سوداء 50غ بالحليب
3ملاعق زبدة
150غ شوكولا الطلي يعني قيس 6ملاعق كبار
الطريقة :
نذوب 100غ شوكولا مع الزبدة حتى يولي خليط متجانس نحوها من النار ونزيد عليها شوكولا الطلي ونخلط ونخلي خليط يبرد في غرضو ، كي يبرد مليح نجيبو نبقى نخلط فيه حتى نقدر نحطو في كيس الكريمة ( دوك لي يتباعو بالف جايين بلاستيك)
....
نجو لصابلي ديالنا نستفوهم حبة فوق حبة ، نجيبو حبة ونبدا نحط عليها القاناش نحط غي في الحواف ونخلي فراغ في النص ، حيث هذاك الفراغ نحط في نيسلي كرامال ( نتوما تقدرو تبدلو وديرو اي حاجة تحبوها سوا توفيا ول نتاع الكابريس ول تحطو كريمة فول السوداني المهم لكم الاختيار ) كي نكمل نحط فوق حبة الصابلي ونريقلهم من الحواف اذا كشما زوائد نتاع القاناش نمسحهم باه تجي الحبة ديالنا متحوفة وندخلوها الثلاجة باه يبردو ويحكمو في شكلهم ، مبعدا نخرجهم ونبدا نڨلاصي فيهم بشيكولا الحليب لي نكون زدت عليها
ملعقة كبيرة زيت باه يجي القلاصاج ديالنا لامع كي تنشف الشيكولا نجيب الناكري ديالنا ومعاه السائل دياله نديرو ونجيب فرشاة ونبدا نرش بيه الصابلي باه يجو نقاط صغار متحوفين كيما الموضح في الصورة ، نا كنت من قبل خدمت داك الشكل الپاپلي لي يجو في مول الشفاف انا اخترت هذا الشكل لأنه الصابلي كاري وهو كاري ( مبعدا نصورلكم المول راهم يتباعو بخمسلاف ) ونلصقهم بالشيكولا فوق حبة الصابلي ديالنا ونا زدت درت الورقة الذهبية في النص مدت شكل شباب ، ويبقى التزيين اختياري ، نا درت هكا ونتوما شوفو هزو الافكار وطبقو ، واكيد نحطوهم في الكيسات مع الدونتال ونحطهم في بوت مونجي وندخلهم الثلاجة باه ماتذوبش الشيكولا وتاني باه يبقى القاطو لأطول مدة ممكنة ويبقى طري وبنين
وشهية طيبة 🤎✨
