السـلام عليـكم
اليوم حبيت نطل عليكـم بواحد من الحلويـات لصنعتها انا ومنها في نجاحي في شهادة البكالوريا
حلوة بزاف بنينة وتشهـي وحبيـتكم ايضا تشوفوها وتستفيدو منها ( ياريت تقدرو تذوقوها هه 😅🤭 )
نبداو مع المقادير وطريقة التحضير
#المقـاديـر :
اليوم حبيت نطل عليكـم بواحد من الحلويـات لصنعتها انا ومنها في نجاحي في شهادة البكالوريا
حلوة بزاف بنينة وتشهـي وحبيـتكم ايضا تشوفوها وتستفيدو منها ( ياريت تقدرو تذوقوها هه 😅🤭 )
نبداو مع المقادير وطريقة التحضير
#المقـاديـر :
- 250 غ زبدة طرية
- 1 صفار بيضة و1 بيضة كاملة
- نصف كأس سكر ناعم
- ملعقة حلوة الترک
- ملعقة ونصف الى ملعقتين اكل كاوكاو محمص ومرحي مع قشوره
- 2ملاعق اكل نيسلي كرامال او كابريس او توفيا ( على حساب وش كاين عندكم ، انا درت نيسلي )
- نصف كأس نشاء
- فرينة على حسب ماتتلم العجينة
- ملح
#مقـادير الحشو :
- كــأس كـاوكاو محمص ومرحي
- كــاس بسكويت مرحي ( اي نوع )
- ملعقة اكل حلوة تـرک
- نيسلي كرامال
#الطريقة :
في إناء نحط الزبدة تكون حسب درجة الغرفة و نزيد عليها سكر ناعم وقرصة ملح ونخلط بالباتور مليح حتى تولي لينا كريمة حاكمة في روحها وكذلك حتى نشوفو الخليط تضاعف وصار لونه مايل للبياض ، نزيد عليه البيض ونخلط ونزيد عليه حلوة الترك والكاوكاو والنيسلي كرامال ونخلط مليح حتى يتضاعف الخليط ثاني ونحبس ونضيف نصف كأس نشاء ونضيف الفرينة ونخلط حتى تتلم العجينة وتكون طرية ونغطيها بالورق الشفاف وننخليها ترتاح شوي
قيس مانبداو نوجدو في رواحنا باه نطيبوها
وفي الاخير بعد ما إرتاحت العجينة نحاولو ناخذو شوي من العجينة ( موش كلها قيس مانخدمو ونكملو ونزيدو ، باه العجينة ماتيبسش معانا وتعبنا الخدمة تولي تتفتت ) نبسطوها بالحلال أكيد نرشو الارضية بشوي من الفرينة ونحطو العجينة وفوقها ورق بلاستيك ونحلوها وماتكونش رقيقة بزاف بسك مافيهاش خميرة وماتكونش غليظة بسك راح نحشوها ويولي سمكها عالي وتجي الحلوة سامطة الوغ يكون السمك متوسط وبعد ماحليناها وطبعناها ( اختارو اي مول تحبو تطبعوه اختياري انا درت الشكل لي كاين في الفوطو ☺️✨)
ومبعدا ندخلو الحلوة الفرن بدرجة الحرارة 180 نطيب الحلوة على مهلها حيث نطيب من تحت برك نشعلوها من فوق غي نحسوها طلبت نخرجوها بسك تجي شوي بيضة مايلة شوي لاحمرار ولا تحبو حلوتكم تجي محمرة نورمال ( الناس اذواق ، ولكن متخلوهاش في الفرن بزاف باه ماتنشفش )
ونخرجوها ونخلوها تبرد مليح
نروحو نوجدو الحشو ديالنا
في إناء نجيبو الكاوكاو و البسكويت والحلوة الترك نخلطوهم كيف كيف ونبداو نلمو في الحشو حتى تتشكل لينا عجينة طرية مليح نخلوها ترتاح في الثلاجة قيس ماتشد روحها
ونخرجوها ونبداو نخدمو فيها
نحلو الحشو على شكل عجينة في الارضية ونحطو فوقها الورق البلاستيك ونبداو نحلو فيها ومبعدا نبداو نطبعو فيها بنفس المول لطبعنا بيه عجينة الصابلي بسمك يكون معتدل
وبعد ماكملنا
نجيبو حبيبات الصابلي باه نلصقوهم بالحشو
( كان مالصقش معاكم الحشو بالصابلي جيبو شوي عسل وادهنو بيه حبيبات الصابلي ومبعدا حطو الحشو وزيدو فوقو الصابلي و هكاك تلصق واذا مكانش لعسل ديرو كونفيتور "مربى "
ومبعدا نحطو الصابلي في الثلاجة باه يشد روحو والحشو مايزلقش مع السخانة
وفي نفس الوقت نكونو نذوبو الشيكولا السوداء تحبو بالحليب ول نوار عادي انا درت نتاع الحليب
كي تذوب نزيدولها معلقتين اكل زيت نباتيّ ونحركوها مليح حتى تتجانس ونقلاصبو بيها حبيبات الصابلي
ونحطوها تبرد
ومبعدا نكملو التزين اختياري ليكم وكل واحد وذوقو
( تحبو ديرو خطوط بالشيكولا ومبعدا ديرو فوقها حبة جوز وديروها بالملمع الذهبي تجي مليحة ، المهم تزين اختياري
انا عندي مول نتاع تزين يشبه لمول لدرت بيه الصابلي درتو بالشيكولا خدمت على شحال عندي حبات الصابلي
حطيتهم في الثلاجة وخرجتتهم ولصقتهم بالشيكولا على حبيبات الصابلي
وكي لصقتهم جبت ملمع ذهبي وضفتلو السائل ديالو باه يولي مايه وبديت نرش بيه عشوائيا بفرشاة على حبات الصابلي وكانت النتيجة في الصور
المهم حلوة بزاف بنينة وتذوب بالفم
ننصحكم تجربوها يا جميلات طموحنا
وشهية طيبة 🙈💙✨
Ryma# 😍🤙🏻
التعديل الأخير:
