- إنضم
- 15 سبتمبر 2010
- المشاركات
- 45,305
- الأوسمة
- 5
- العمر
- 38
- الإقامة
- تلمسان
- هواياتك
-
كرة القدم، الشطرنج، كتابة الخواطر، المطالعة
- وظيفتك
-
موظف بقطاع التجارة
- شعارك
-
كن جميلا ترى الوجود جميلا
طريقة مبتكرة لادخار الاموال
فكرة بزاف هايلة وخاصة بالأشخاص لي عدهم صعوبة في التوفير المالي و للاشخاص لي تبغي دير مشروع بميزانية صغيرة وهو تحدي الحصالة🌸
هذا التحدي مشي بالضرورة 100يوم ومشي بالضرورة تحطي يوميا وتبغي ديريه بالترتيب او بصفة عشوائية المهم تحطي فالحصالة المبلغ المتوفر عندك وتشطبي الرقم لي حطيتيه، لي عندها مدخول يومي اللهم بارك كل يوم تحط، ولي عندها شهرية تحط وين ما تخلص او وين ما يطيحو في يدها دراهم،
مثلا حطيتي 82الف تشطبي رقم 82، تحطي 9الاف تشطبي رقم 9 ، تحطي 37الف تشطبي رقم 37وهكذا حتى تشطبيهم ڨاع
ولوكان يطيح في يدك نفس المبلغ لي حطيتيه من قبل معليش عاودي حطيه في الحصالة وشطبي رقمين او ثلاثة لي مجموع تاعهم هذاك المبلغ،
مثلا 17الف شطبتيها مرة وبغيتي تحطي 17الف اخرى شطبي رقمين (10 و7 )او (9و8) او شطبي ثلاث ارقام مثلا (10و 4و 3) او (5و8و 4) مهم مجموعهم يساوي 17.
ملاحظة01:
لي متبغيش حصالة فيها بزاف صرف تحطي النقود الورقية وتشطب ارقام يكون مجموعهم هذاك الكاغط، مثلا حطيتي 50الف شطبي 38و 12 والى عاودتي حطيتها شطبي 37و13 وهكذا.
ملاحظة02:
*لوكان ترقمي حتى 200 تلقي عشرين مليون ومية الف،201000دج
*لوكان ترقمي حتى 150 تلقي احدى عشر مليون و ثلاث مية وخمس وعشرين الف،113350دج
*لوكان ترقمي حتى 100 تلقي خمس ملاين وخمسين الف،50500دج
*ولوكان ترقمي حتى 50تلقي مليون وميتين و خمس وسبعين الف،12750دج
***طريقةالحساب:
المجموع لي تلقوه مين تشطبو كل الارقام هو كالتالي:
((أول مبلغ دج+آخر مبلغ دج)\2) * عدد الارقام =المجموع دج
وبنفس الطريقة كل التحديات يعني تاع 200 او 50 او 260 او 300 وكل وحدة دير تحدي لي اساعدها .
ان شاءالله تعجبكم الفكرة وطبقوها♥️
