روآء الروح

تاج المنتدى
الإدارة
إنضم
16 سبتمبر 2010
المشاركات
5,982
الأوسمة
5
الإقامة
البويرة
هواياتك
الشعرْ والخوآطــرْ ؛؛ وأشيآء اخرى
وظيفتك
sage femme
شعارك
دعْ الأيآم تفعلْ ما تشآء ×× وطب نفسآ بما حكمـ القضآءْ
الولادة الطبيعية استجابة لطلب صديقة من اصدقاء الصفحة :

واخيرا رايحة تولدي

الولادة الطبيعية استجابة لطلب صديقة من اصدقاء الصفحة :

واخيرا رايحة تولدي ������������������ ،علابالي راكي خايفة بزاف و معارفة فيها والو هاوليكي فكرة صغيرة على واش غادي يصرا :

اول حاجة لازم تعرفيها انو الولادة الطبيعية تكون بين الاسبوع 37 الى الاسبوع 41 كأقصى ، وقت الولادة طبعا متقدريش تعرفيه متى ولكن كاين اعراض راح تبينلك بلي المخاض او الشداد كيما نقولو بالعامية رايح يبدا .

اذا وقع معاك قطرات دم تقيلة شوية و مخلطة بالسوائل ،اذا حسيتي بتقلصات في بطنك منتظمة كل 10 الى 5 دقائق و تكون مصحوبة بالم ،اذا حستي بهبوط ماء ابيض او اخضر بكثافة فتوجهي الى اقرب طبيب او مصلحة ولادة هناك راح تشوفك القابلة و تحدد اذا كان المخاض بدا اولا لانه كاين حاجة اسمها المخاض الخاطئ او ، faux travail منبعد نحكي عليه .

جينا للصح اذا كنت على وشك الولادة فغدي تمري ب 3 مراحل مرحلة المخاض ، مرحلة الوضع ، ومرحلة خروج المشيمة .

مرحلة المخاض طويلة شوية من ساعتين الى 8 ساعات و نص عند الحامل لاول مرة و ممكن تزيد اكثر في الحالات المستعصية و غادي تتوجعي فيها و جع عمرك لا حسيتي بيه������ مانيش حابة نخوفك مي هذي هي الحقيقة اذا كنت فالجزائر و حبيتي تولدي فالقطاع الخاص بأ مكانك تطلبي la péridurale تخدير فعال باش متتعدبيش اما اذا ولدتي فالقطاع العام فاللاسف هذ العملية مرهيش متوفرة حاليا للولادات الطبيعية تحملي الوجع وفالقريب العاجل رايح نتحدث عن تمارين تساعدك على تحمل الالم للاسف القابلات و الممرضين و الاطباء مغاديش يقدرو يمحيو هذ الالم لانه من عند ربي فكونك عندك ضمير و ميشقاش تقولي عذبوني و دارو فيا ......

خلال هذه المرحلة عنق الرحم غادي ينفتح من 1 سم حتى ل 10 اللي هو ال col de l uterus منزيد نسمع حتى وحدة تقول corps اوك ������ .

مرحلة الوضع تبدا من اول ما عنق الرحم ينفتح بمعدل 10سم رايحة تزيد التقلصات و تقوى في هذ المرحلة غادي تطلب منك القابلة تدفعي باقصى جهد كي تحسي بالتقلص و تتنفسي كي يروح و هكا لحد مايهبط الرأس تدوم هذ المرحلة من 30 دقيقة الى ساعة في معظم الحالات .

قبل خروج الرأس القابلة تقوم بشق فتحة المهبل لتوسيع الفتحة و خروج الراس و تفادي حدوث شروخ في اماكن تصعب خياطتها ، اذا عندك infection ننصحك تداويها قبل الولادة لانها راح تسبب شروخ و تصعب عملية الخياطة و منبعد تجي تقولي شرمطوني������ .

القابلة قبل ما تفتح رايحة تطلب منك تدفعي باقصى قوة باش ماتحسيش بالالم اما اذا كنت دايرة la péridurale فمراحش تحسي بوالو .

اذا سلكتي غاية نت و ولي العهد و وكنت بصحة جيدة نت و المولود فبامكانك تطلبي من القابلة توضع البيبي فوق بطنك او صدرك قبل متقطعلو السرة و ما متلبسو هذا سموه le contact peau a peau مهم جدا باش البيبي يتعرف على امو و يحس بيها و هي ثاني هذا يكون لمدة ساعة او ساعتين و لكن للاسف مغاديش نقدرو نخلوه ساعتين راكو عارفين للاسف مكانش تدفئة كافية و ثاني القابلة معندهاش الوقت باش تبقى معاك نظرا للكمية الهائلة من الولادات يكفي دقيقة و لا دقيقتين بوسيه و عطيهولها تلبسو ������������������ .

المرحلة الاخيرة اللي هي مرحلة خروج المشيمة القابلة راح تروح تلبس البيبي متخافيش مسمحتش فيك غي راها تعطي الوقت للمشيمة تهبط و تستغل هذاك الوقت في تلبيس البيبي ������ .

بعدها القابلة راح تجي تخرجلك المشيمة هذ المرحلة ماشي مؤلمة ممكن تحسي بوجع خفيف و رجفة .

من بعد تبدا الخياطة اللي تخاف منها معظم النساء كاين قابلات يستخدمو التخدير الموضعي و بالتالي مراحش تحسي بوالو وكاين اللي مايستعملوش ماشي على خاطر تمنكروا فيك بكل بساطة احيانا ميكونش متوفر و احيانا تكون عندك infection او من الولادة تعك تطول و الفحص يتكرر فهذيك المنطقة تكون حساسة للتخدير تنتفخ و تصعاب الخياطة .

و اخيرا سمحيلي على فلم الرعب اللي قدمتهلك ������ متخافيش كي تحطي و لدك و لا بنتك على صدرك رايحة تنسي كلش .

و شكرا .
 
التعديل الأخير:
أعلى أسفل