لن تصدقواااااااا ما جرى لهذا السيد الطيب...........

[koukouana]

السلام عليكم ورحمة الله وبركاته
واش راااااااااااكم
اليوم حبيت نقولكم على قصة صرات في واقعناوهي حكاية حقيقية عن احد عمال الصرف الصحي
وااااااااش صرالوا
الحكاية تبدا من احد الايام كان هذا السيد اللي راني نحكيلكم عليه يخدم كيما العادة مع صحابو في العمل وكان يخدم في اصلاح قنوات الصرف الصحي وقنوات المراحيض اكرمكم الله
المهم لما كانوا يزاولوا في خدمتهم كيما العادة جاهم واحد السيد وقاللهم اذا يقدر واحد فيكم يروح معاه للدار ويصلحلوا المرحاض اعزكم الله ....وهو ياكد لهم بانو في حالة لا توصف
وانو يومين هو معطل وانو جاب شحال من خدام وهرب هذا العامل من القذارة اكرمكم الله
نطقوا احد الخدامين وقالولوا ما نقدروش
سالهم وعلاه ...قالولو راك تقول عليه مكان نتن كيفاه حبيتنا ندخلوا في القذارة ....
وتكلم احد العمال وقالوا اصبرني انكمل الخدمة هنا ونروح نشوف ممكن نلقالها حل
السيد قالوا بصح راهي كارثة عندها يومين وهي حابسة
قاعد وياكدلوا بلي مستحيل يقدر يشم هذي الروائح ....لكن هذا الرجل الطيب قالوا ماعليش نشوفها وماني خاسر والو
ومن بعد اتكلموا اصحابو وقالولو ما كان لاه راك اسمعت واش قالك ...لكنو هذا الاخير رفض يسمع لكلامهم
المهم خلص الخدمة وقال للسيد استنا انجيب حوايج الخدمة وانجي معاك ...قالو ما جيب والو عندي اللي تحوس عليه

​

​

توكلوا على ربي وراحوا وعيون اصحابو تخزر فيه وهوما يتغامزوا عليه وهم يقولولو بالكلمة الواحدة
(عس روحك لا تغرق في العسل)
من الاستهزاء
وصلوا للبيت اللي رايح يخدم فيه ...وبهذا الانسان الطيب يتفاجئ بالمنزل اذا هو قصر من قصور الاحلام ولما دخل صار مشلول من روعة هذا المكان ....دخلوا لصالون وبدا يحكي معاه على حياتو وخدمتو واذا هو متزوج والا لا
وهو يجاوب والكلمات تروح وجي من الدهشة
طلب منو يوريلو المرحاض اكرمكم الله باه يبدا في الخدمة
لان زوجتو حامل وما يقدرش يخليها وحدها بزاف
قالو اصبرني نجيبلك ملابس الخدمة وبعد دقائق جاب كيس وعطاهلو وقالوا تفضل....وكي فتحوا ااااااااااااااا
تخيلوا واش لقا ......الكيس كان مليان دراهم تفوق 200مليون
تفاجئ وقالوا واشنوا هذا ااااااااا
قالوا حقك اعطاهلك ربي....لا مرحاض معطل ولا شيئ....استفسر كيفاه
اشرحلو وقالوا هاذي زكاة حبيت نمدها لواحد يستاهل صح وما يتكبرش على اي خدمة مهما تكون ..المهم تكون حلال
الصدمة قوية بزاف عليه..........ما لقا ما يقووووول
المهم روح وحكا لمرتوا فرحت واصحابو لما حكالهم القصة ما امنوووووش ةحسدوووووه على واش جاه
الانسان الطيب هذا كمل خدمة انتاع داروا اللي متبقية وشرا سيارة باه يعاون روحوا بيها
بصح هذا ما خلاهش يخلي خدمتو الشريفة اللي كانت وراء تبديل حياتو في يوم وليلة
هذي حكايتو من فمو للناس باه ما يتكبروش على خدمة الحلال
واش من عبرة اديتوها
واسمحوووولي طولت عليكم بصح تستاهل تحكيها
ربي يهنيه يا رب

 

[koukouana]

اتمنى الاعجاب